Затрыманы ў Лідзе журналіст Юрый Дзяшук — падазраваны па крымінальнай справе. Яго змясцілі ў ізалятар
22 студзеня 2021
Затрыманы ў сераду незалежны журналіст Юрый Дзяшук з’яўляецца падазраваным па крымінальнай справе аб злосным хуліганстве (ч. 2 арт. 339 Крымінальнага кодэкса). Журналіст быў змешчаны ў ізалятар часовага ўтрымання на 72 гадзіны да прыняцця рашэння аб абранні меры стрымання. Пра гэта паведамілі родныя Юрыя Дзешука.
Родныя мяркуюць, што затрыманне журналіста звязанае з крымінальнай справай, якую завялі з нагоды падтрымкі асуджанага на 5 гадоў зняволення актывіста Вітольда Ашурка ў судзе.
20 студзеня ў Лідзе міліцыя затрымлівала многіх, хто прысутнічаў на агалошванні прысуду Ашурку. Журналістка Вольга Быкоўская на сваёй старонцы ў Facebook размясціла відэа інцыдэнту пасля суда над Ашуркам, які адбыўся 18 студзеня. На ім бачна, як людзі ў залі абураюцца прысудам і крычаць “Ганьба!” і “Верым! Можам! Пераможам!”.
Але на відэа выразна бачна, што Юрый Дзяшук (справа ў белым шаліку) заняты выключана журналісцкай працай — ён увесь час здымае падзеі на тэлефон. Іншых акалічнасцяў справы мы пакуль не ведаем.
Такім чынам на сёння ў Беларусі ўжо 10 прадстаўнікоў медыя знаходзяцца за кратамі па крымінальных справах.
Рэпрэсіі супраць журналістаў у 2021 годзе (табліца, спіс арыштаваных)
@bajmedia
Сілавікі затрымалі брата палітоляга Валера Карбалевіча
05.11.2023
Затрымалі дырэктара партала Abw.by. ГУБАЗіК пагражае ўласнікам бізнэсу
28.10.2023
«Беларускае Радыё Рацыя» таксама прызналі «экстрэмісцкім фарміраваннем»
23.01.2024
Симпатизируют России, находятся под санкциями. Посмотрели, кто из провластных медийщиков идет на парламентские и местные выборы
08.01.2024
