Дзяржабвінаваўца патрабуе пакараць журналіста-краязнаўцу Ігара Хмару “хатняй хіміяй”

Падставай да ўзбуджэння крымінальнай справы супраць Ігара Хмары стаў ягоны ўдзел ў мірнай акцыі пратэсту ў Мінску 16 жніўня 2020 года. Паводле папярэдніх звестак, журналіст нібыта напісаў “яўку з павіннай” на падставе выкладзенага фотаздымка ў Insta­gram, чым прызнаў сваю віну. 

Мяркуецца, што фінальны вердыкт можа быць агучаны ўжо 12 лістапада. 

Ігара Хмару затрымалі 2 жніўня, калі той праводзіў групавую экскурсію ў сталічным мікрараёне Серабранка. Гэта быў другі па ліку бясплатны  шпацыр, які ён абвясціў у сваіх сацсетках, першы прайшоў без эксцэсаў.  Аднак гэтым разам нібыта “неабыякавых грамадзян” зачапіла “падазроная” беларуская мова экскурсавода, і яны выклікалі міліцыю. Прынамсі пра гэта стала вядома ад сукамерніка Ігара Хмары, які не так даўно выйшаў на волю.  

У выніку на краязнаўцу завялі крымінальную справу паводле “народнага  артыкула” 342, частка 1. Тады ж аператыўнікі з ГУБАЗіК знайшлі ў сацыяльных сетках здымкі журналіста з бел-чырвона-белым сцягам.

Праваабарончая супольнасць прызнала Ігара Хмару палітычным вязнем.

У якасці журналіста Ігар Хмара пісаў пра ўрбаністыку і адметныя мясціны Беларусі для “Беларускага радыё”, партала Realt.by, выдання “Близкие новости” ды іншых афіцыйных і недзяржаўных медыяў. 

Як сведчаць палітычныя працэсы апошняга часу, суддзі звычайна цалкам пагаджаюцца з патрабаваннем тэрмінаў, агучаных прадстаўнікамі  пракуратуры.

Читайте ещё:

Фотографа нет на месте событий. Как медиа иллюстрируют публикации?

Анжаліка Борыс і Анджэй Пачобут сталі пераможцамі Залатых Соў Палоніі

Дэпутаты ўхвалілі амністыю да “дня народнага адзінства”. “Палітвязняў”, сярод якіх 33 журналісты, праігнаравалі