• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Галоўнае, як сказаў кіраўнік дзяржавы, — «раздзявацца і рабіць». Хто такі Мікіта Палякевіч — новы твар АНТ

    У лукашэнкаўскіх СМІ рэдка, але з'яўляюцца новыя асобы. Хтосьці ідзе туды адпрацоўваць размеркаванне пасля ўніверсітэта, іншым падабаецца жыццё ў лукашэнкаўскім асяроддзі. Тэлевядучы АНТ Мікіта Палякевіч якраз з апошніх.

    Хлопцу 21 год. Сёлета Палякевіч скончыў факультэт журналістыкі БДУ па спецыяльнасці «Журналістыка міжнародная».

    Цяпер ён вядзе «Нашы навіны» на АНТ. І гэта яго свядомы выбар. На журфаку Мікіта Палякевіч вучыўся на платным аддзяленні, ён не мае размеркавання, якое з’яўляецца абавязковым для бюджэтнікаў.

    Працаваць на АНТ Мікіта Палякевіч марыў яшчэ з першага курса ўніверсітэта. Менавіта тады, у 2018‑м, ён трапіў на канал на практыку. Хутка хлопец стаў карэспандэнтам, а пасля яго павысілі да тэлевядучага.

    «Стаць вядучым — гэта тое, да чаго я ішоў доўгі час.

    Ведаеце, на сумоўях пытаюцца: «Кім вы бачыце сябе праз пяць гадоў?» Дык вось, я бачу сябе як мінімум вядучым аўтарскай праграмы і «Славянскага базару ў Віцебску», — дзяліўся планамі Палякевіч у інтрэв’ю дзяржаўнаму СМІ. 

    Таксама хлопец разважаў пра сваю працу. У яго выклікае здзіўленне, чаму сёння ў слова «прапаганда» ўкладаюць негатыўны сэнс.

    «Прапагандаваць — значыць трансляваць курс дзяржавы, яе вектары і прыярытэты развіцця, а таксама ідэалы і каштоўнасці. Я не падбухторваю з экрана да развязвання вайны і не расказваю падлеткам, што наркотыкі — гэта добра.

    Я транслюю дзяржаўны парадак дня, а не фармую яго. Гэта і місія, і сэнс гэтай прафесіі», — казаў ён. 

    Яшчэ ў студэнцтве Палякевіч актыўна браў удзел у працы Маладзёвага парламента, летам 2020-га ён стаў намеснікам старшыні парламента Ягора Макарэвіча.

    Падчас працы ў парламенце Мікіта Палякевіч засвяціў побач з Наталляй Качанавай. Сёлета яна ўручыла яму падзяку «па выніках працы».

    «Галоўнае, як сказаў кіраўнік дзяржавы, — «раздзявацца і рабіць». У краіне створаны ўсе ўмовы для развіцця моладзі. Скажу банальна, але поспех у жыцці залежыць толькі ад цябе самога. Устань з канапы і пачні дзейнічаць», — раіў моладзі Палякевіч.

    Пра што расказвае гледачам тэлевядучы Мікіта Палякевіч?

    З экранаў прапагандыст часта распаўсюджвае фэйкі пра Украіну, апраўдвае імперыялістычную вайну і расчляненне суверэннай дзяржавы.

    «Супраць мірнага насельніцтва выкарыстоўваюць натаўскае ўзбраенне, — паведамляў Палякевіч гледачам. — Шэраг правакацый і ў іншых абласцях. Аднак спробы сарваць рэферэндум пакуль не мелі поспеху. Толькі зрэдку выбарчыя ўчасткі эвакуююць у бамбасховішча. Сярэдняя яўка па рэспубліках Данбаса, Херсонскай і Запарожскай абласцях перавысіла 20 адсоткаў». 

    «Спробы задушыць Савецкі Саюз і краіны постсавецкай прасторы — гэта дакладная і вывераная стратэгія НАТА, якая рэалізавалася цягам 70 гадоў. Усе цяперашнія дзеянні альянсу варта разглядаць выключна пагрозліва», — дыктарскім голасам запэўнівае хлопец.

    АНТ фармальна лічыцца дзяржаўным тэлеканалам, але дзейнічае як прыватны лукашэнкаўскі рэсурс. Інфармацыя падаецца аднабока, ці то на ўнутрыбеларускія тэмы, ці то на тэмы міжнароднага жыцця і той жа вайны ва Украіне. Хоць дзяржаўны СМІ па азначэнні павінен быў бы адлюстроўваць розныя пазіцыі, якія існуюць у грамадстве.
     

    Ганарыцца Мікіта Палякевіч сваёй камандзіроўкай разам з «беларускімі міратворцамі» ў Казахстан у студзені 2022-га. Падчас пратэстаў у Алматы ён вёў рэпартаж з месца падзей.

    Не саромеецца Палякевіч выкарыстоўваць і відавочныя прапагандысцкія наратывы: расказвае пра «няпросты час» у 2020‑м, калі «жменька псеўдапатрыётаў паспрабавала ўскалыхнуць беларусаў».

    «Сучасны патрыятызм — гэта не толькі і не столькі прамовы за трыбунай, хоць аб сур’ёзных рэчах сёння гаварылі шмат, гэта яшчэ і адчуванне нейкага адзінства. Калі адзін за ўсіх, і ўсе — за краіну. Няпросты час быў, але Беларусь выстаяла, працягвае трымаць удар — інфармацыйны і санкцыйны, у тым ліку і дзякуючы тым людзям, якія сабраліся на Форум патрыятычных сіл.

    У адным, мабыць, сыходзяцца патрыёты — шляхоў можа быць мноства, але яны не павінны завесці краіну ў тупік ці ў бездань. А рызыка, і мы гэта памятаем, 2 гады назад была, калі жменька псеўдапатрыётаў паспрабавала ўскалыхнуць беларусаў. Не выйшла!» — рапартаваў ён.

    Чытайце яшчэ: 

    Істэрыку і мову варожасці прапагандыстаў кіраўнік Белтэлерадыёкампаніі называе “аўтарскай журналістыкай”

    «Шмат часу аддавала на аздабленне тэрас кавярняў. Хацела, каб Мінск быў прыгожым горадам». Распавядаем пра Ірыну Злобіну

    Экажурналіст Аляксей Аўчыннікаў: «З’ехаў, каб мець магчымасць гаварыць пра праблемы, не хаваючы свой твар за ананімнымі імёнамі»

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    «Медиазона» часто пишет новости о том, как заключенных отправляют в ШИЗО, ПКТ или переводят на тюремный режим. В колониях политзаключенные не сидят в камерах, а живут в бараках, ходят на работу по улице. Но даже этих «удобств» можно лишить. По сути, осужденные отбывают двойное наказание — часто по надуманным поводам — мерзнут в одиночных камерах, дышат хлоркой и не получают письма. «Медиазона» рассказывает, как наказывают тех, кто уже наказан заключением в колониию и СИЗО.
    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці