Адкрыта стыпендыяльная праграма для журналістаў-пачаткоўцаў (дэдлайн — 30 жніўня)

Сёлета стыпендыя ад Coda Sto­ry адкрыта для аднаго журналіста з Грузіі і аднаго рэпарцёра любой нацыянальнасці, які зараз жыве ў выгнанні.

Выява зроблена БАЖ пры дапамозе Chat­G­PT

Coda Sto­ry прымае заяўкі на стыпендыю Bruno Report­ing Fel­low­ship, якая праходзіць пры спонсарскай падтрымцы арганізаванага Марцінам Уокерам Фонду Бруна.

Марцін Уокер — знакаміты міжнародны рэпарцёр, былы карэспандэнт Guardian Moscow і рэпарцёр года на Grana­da TV. Спадар Уокер вядомы сваімі шматлікімі расследаваннямі і кнігамі, ад першай біяграфіі Гарбачова да напружаных рэпартажаў пра падзенне шаха Ірана і яго палітычных наступствах, і з’яўляецца гарачым прыхільнікам тэрміновай, дынамічнай журналістыкі.

Праграма для журналістаў-пачаткоўцаў разлічана на дзесяць месяцаў.

Памер стыпендыі — 1000 даляраў ЗША ў месяц.

За гэты час удзельнікі атрымаюць ментарскую і рэдакцыйную падтрымку рэдактараў і супрацоўнікаў Coda Sto­ry. Ад моладзі чакаюць прапаноў ідэй для стварэння журналісцкіх матэрыялаў. Журналісты павінны будуць апублікаваць у тым ліку як мінімум адзін лангрыд у Coda Sto­ry ці сайтах партнёраў.

Таму сярод асноўных патрабаванняў да кандыдатаў — выдатнае валоданне пісьмовай і вуснай англійскай мовай, досвед напісання рэпартажаў на англійскай мове.

Даслаць заяку трэба на адрас bruno@codastory.com

У заяўцы павінны быць такія дакументы:

• Суправаджальны ліст, у якім трэба распавесці пра сябе і патлумачыць, чаму вы заслугоўваеце стыпендыю і на чым бы вы хацелі засяродзіцца.
• Кароткае апісанне адной доўгай гісторыі, над якой вы хацелі б папрацаваць падчас стажыроўкі, і чаму Coda з’яўляецца прыдатнай платформай для гэтага.
• Рэзюмэ.
• Кароткі суправаджальны ліст з указаннем таго, чаму гэтая стыпендыя падыходзіць менавіта вам.
• Тры апублікаваных матэрыяла (спасылкі ці PDF-файлы падыдуць).

Стыпендыяльная праграма пачнецца 1 кастрычніка 2024 года. 

Coda Media — гэта медыякампанія, якая факусуецца на каранях трансгранічных крызісаў. Яе місія — даследаваць матрыцу гісторый, якія фарміруюць свет, надзяліць чытачоў пачуццём сапраўднага, кантэкстуальнага разумення гісторый, якія фарміруюць іх жыццё, і дапамагчы журналістыцы пераасэнсаваць, як асвятляць складаныя крызісы даступным і займальным спосабам, не пазбаўляючы падзеі уласцівай ім складанасці. Гісторыі Coda жывуць на лічбавых платформах, у падкастах, а таксама ў відэа і фільмах.