Плюшавы гусь, красоўкі і «каб тата быў побач»: пра што мараць дзеці беларускіх палітвязняў перад Калядамі

Фонд BYSOL збірае па 100 еўра на дзіця, каб хаця б частка гэтых мараў здзейснілася. На 200 дзяцей трэба 20 000 еўра, пакуль сабрана крыху больш за 4500.

Сёлета, збіраючы заяўкі на Калядны сбор для дзяцей палітвязняў і вызваленых, Фонд BYSOL папрасіў бацькоў напісаць, пра што марыць іх дзеці. На сёння ў арганізатараў 136 заявак (яны чакаюць каля 200), а жаданні пазначаныя ў 78 з іх.

Найчасцей сустракаюцца — новыя смартфоны, планшэты і падобная электроніка. На другім месцы — канструктары Lego і іншыя цацкі: ад машынак на пульце да плюшавага гуся і вялікага дыназаўра.

Прыклады са спісу:

• «Старэйшы вельмі хоча тэлефон. Малодшы — вялікага дыназаўра»,
• «Вялікую машыну на пульта кіравання або робата»,
• «Плюшавага гуся»
• «Мабільны тэлефон (свой стары і разбіты)».

Ёсць і такія жаданні, дзе патрэбны сапраўдны цуд:

«Дзеці мараць, каб тата быў побач».

Далучайцеся да каляднага збору! Хай дзеці палітвязняў пабачаць, што нават калі дарослы свет бывае жорсткім, у ім усё роўна ёсць людзі, якія выбіраюць дабро. Беларуская салідарнасць ужо не раз даказвала, што разам мы можам зрабіць гэта. Кожны ваш унёсак вельмі важны – і 5, і 10, і 100 еўра. Любое ахвяраванне ператворыцца ў частку вялікага цуду. Далучыцца да збору можна тут:

 https://bysol.org/ru/bs/christmas_miracle_2025_26/

Поўны спіс з 78 жаданняў (з выдаленымі імёнамі дзеля бяспекі сем’яў) прыкладаем асобным файлам — яго можна выкарыстоўваць цалкам або часткова.