• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Навучальны курс «Эфектыўныя прэс-службы» (заяўкі да 6 сакавіка)

    11.03.2017 — 29.04.2017. Мінск-Вільня

    https://baj.media/sites/default/files/event/preview/press_sluzhbv.jpg

    Калі вы хочаце, каб пра вашу кампанію ці арганізацыю дазналася як мага больш людзей, але не ведаеце, з чаго пачынаць, калі ў вас ёсць жаданне заняць прывабнае месца ў  беларускай медыяпрасторы ў якасці крутых спецыялістаў і, нарэшце, калі вы не думаеце, што ведаеце пра піяр усё — далучайцеся да нашага курса «Эфектыўныя прэс-службы».

    ПАСЛЯ ЗАКАНЧЭННЯ КУРСА СЛУХАЧЫ БУДУЦЬ ВЕДАЦЬ:

    • З чаго пачынаецца прэс-служба, як яна выбудоўваецца і як эфектыўна кіраваць ёй

    • Як знайсці «сваіх» журналістаў і як стаць «сваімі» для патрэбных вам СМІ

    • Якую інфармацыю СМІ будуць чакаць ад вас і задавальненнем выкарыстоўваць

    • У якім выпадку правесці прэс-канферэнцыю, а калі — круглы стол, ці увогуле медыясняданак

    • Якія «фішкі» дазволяць стаць самым запамінальным падчас удзелу ў публічнай дыскусіі ці асабістага выступлення на публічным мерапрыемстве

    • Чаму стратэгічнае планаванне інфармацыйнай дзейнасці дапамагае хутка арыентавацца, калі ў вас сто спраў на тыдзень

    • Як прымусіць сацсеткі «танчыць пад вашу дуду»

    • Як крок за крокам ствараць брэнд сваёй арганізацыі

    Падчас курса кожны ўдзельнік пад кіраўніцтвам трэнераў падрыхтуе ўласны праект (медыястратэгію мерапрыемства ці кампаніі), зарыентаваны на патрэбы сваёй арганізацыі.

    Пасля курсу «Эфектыўныя прэс-службы» вы здолееце адчуваць сябе больш упэўнена ў медыяпрасторы і быць больш папулярнымі ў беларускім грамадстве.

    ТРЭНЕРЫ І ЭКСПЕРТЫ: Аляксандр Люшкевіч, PR/медыяспецыяліст Беларускага інстытута стратэгічных даследаванняў, Вольга Герасенка, кіраўнік аддзела рэкламы і камунікацый ААТ «Авіякампанія «Белавія», Таццяна Кнацько, PR-мэнэджэр ММАЦ імя Й.Раў, Крысціна Мурашова, дырэктарка Установы «Студэнцкая фабрыка думкі» (БОСС), Вольга Сталярова,  PR-спецыяліст міжнароднага фонду ІДЭЯ, Андрэй Эзерын, дырэктар Камунікацыйнага агенцтва EZERIN`COM

    ДА ЎДЗЕЛУ ЗАПРАШАЮЦЦА:

    Прэс-сакратары і супрацоўнікі прэсавых служб недзяржаўных арганізацый, дзяржаўных і бізнес-устаноў, журналісты, якія працуюць у галіне камунікатыўных адносін з грамадствам.

    АПІСАННЕ КУРСА:

    Курс «Эфектыўныя прэс-службы» распачнецца 11.03.2017 і і завершыцца — 29.04.2017. Складаецца з сямі заняткаў, якія правядуць беларускія прафесіяналы, і майстар-класу замежнага трэнера. Заняткі будуць праходзіць раз на тыдзень па суботах з 11.00 да 14.45

    Заяўкі на ўдзел ў навучальным курсе «Эфектыўныя прэс-службы» прымаюцца па электроннай пошце на адрас: baj@baj.by (з пазнакай PR) да 6.03.2017.

    Ваша заяўка павінна ўтрымліваць:

    1. Кароткі расповед пра сябе (не больш за 1 000 знакаў).

    2. Абгрунтаванне свайго жадання ўдзельнічаць у курсе.

    Колькасць удзельнікаў абмежаваная.

    Глядзі таксама: Аналітычная журналістыка — навучальны курс (да 8 cакавіка)

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці