Прадстаўніцтва Еўрапейскага саюза ў Беларусі запрашае да ўдзелу ў конкурсе матэрыялаў аб праектнай дзейнасці ЕС у Беларусі
11 студзеня 2017
Прадстаўніцтва Еўрапейскага саюза ў Беларусі запрашае да ўдзелу ў конкурсе на найлепшую публікацыю, фотарэпартаж, відэа- ці радыёсюжэт аб праектнай дзейнасці ЕС у Беларусі. Конкурс прымеркаваны да запуску тэматычнага сайта euprojects.by, на якім у дадзены момант падрабязна прадстаўлены больш за 40 праектаў.
Ужо на працягу многіх гадоў ЕС штогод выдзяляе значныя фінансавыя рэсурсы на праектную дзейнасць у такіх сферах, як ахова здароўя, адукацыя, рэгіянальнае развіццё, пытанні міграцыі і бежанцаў, “зялёная” эканоміка і прадпрымальніцтва. Гэтыя праекты і ініцыятывы ў Беларусі далі магчымасць многім змяніць жыццё да лепшага, а ў маштабе краіны — дапамаглі цэлым гарадам і рэгіёнам.
Мы ўпэўненыя, што вашы тэксты, фатаграфіі, відэа і аўдыёматэрыялы, дасланыя на конкурс, раскажуць пра шматлікія прыклады паспяховага супрацоўніцтва беларускіх арганізацый з партнёрамі з ЕС, пра канкрэтныя і важныя паляпшэнні, якія адбыліся ў розных кутках краіны.
Пераможцы творчага спаборніцтва ў якасці прыза атрымаюць магчымасць пабываць на прафесійным семінары ў адной з краін Еўрапейскага саюза. Больш падрабязная інфармацыя прадстаўленая ў Палажэнні аб конкурсе па спасылцы: https://eeas.europa.eu/delegations/belarus/18402/node/18402_be.
Мы спадзяемся, што знаёмства з героямі нашых праектаў стане для вас крыніцай натхнення і дапаможа стварыць яркія і запамінальныя сюжэты і публікацыі.
@bajmedia
Праблемы з фінансаваннем беларускіх медыя: 4 напрамкі, што можна рабіць
22.03.2024
«Нам бегать за тобой с подносиком?» В Рогачевском райисполкоме прокомментировали ситуацию с безработным пропагандистом
16.12.2024
Пачаўся завочны суд над былымі супрацоўніцамі Tut.by Вольгай Лойка, Аленай Талкачовай і Кацярынай Ткачэнка
15.07.2024
У Мінскім абласным судзе агучаныя прысуды па справе «аналітыкаў Ціханоўскай». Дракахрусту і Любаковай — па 10 гадоў зняволення
02.07.2024
