Публічная лекцыя беларускага фатографа Максіма Сарычава (3 сакавіка, 18:00)
28 лютага 2017
Як можна візуалізаваць мінулае і паказаць тое, чаго няма? Як новыя каналы камунікацыі робяцца сёння прастораю ды інструментам мастацкіх практык? Што адбываецца на мяжы мастацтва, візуальных медыяў, дакументу, журналісцкіх расследаванняў і новых тэхналогіяў?
Аповед будзе грунтавацца на праектах фатографаў/мастакоў, якія працуюць з рэальнасцю, але выходзяць пры гэтым за межы дакументальнай фатаграфіі, эксперыментуюць з візуальнай мовай і канцэптуальнасцю. У тым ліку гаворка пойдзе аб працы над тэмамі вайсковых канфліктаў і злачынстваў, цэнзуры, дзяржаўнай бяспекі, парушэння правоў чалавека, карупцыі.
Лекцыя пройдзе ў межах персанальнай выставы аўтара «Сляпая зона», даступнай у прасторы ЦЭХ да 6 сакавіка 2017 года.
Максім Сарычаў — візуальны мастак Беларусі, які працуе з тэмай улады і грамадства. Ён дзее на перакрыжаванні дакументальнай і мастацкай фатаграфіі, выкарыстоўвае відэа/мультымедыя, а таксама працуе ў галіне фотажурналістыкі. Сарычаў — пераможца важных фотападзеяў Беларусі: конкурсаў PRAFOTA 2015 і Belarus Press Photo 2015. Удзельнік калектыву мастакоў LĒD.
Удзел платны: 4 руб.
Прастора «ЦЭХ», Кастрычніцкая 16
@bajmedia
«Усталость была такая, что поход в душ вызывал страдания». Как белорусские журналистки переживали депрессию в эмиграции
06.05.2024
Дзяржаўная газета «Витебские вести» настройвае чытачоў супраць Польшчы
05.10.2023
Вышли расследования о гибели журналиста Reuters на Ближнем Востоке. CPJ призывает наказать виновных
11.12.2023
Апеляцыйную скаргу журналіста Аляксандра Зянкова Вярхоўны суд будзе разглядаць 16 красавіка
12.04.2024
