• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Сацыяльныя сеткі — компас журналіста (да 19 студзеня)

    Навучальны курс. Мінск-Вільня, 23.01.2016— 19.03.2016.

    Як зрабіць сацыяльныя сеткі адным з асноўных інструментаў прасоўвання ўласных матэрыялаў СМІ ды сталым каналам сувязі з чытачамі і экспертамі — пра гэта вы даведаецеся падчас курса «Сацыяльныя сеткі — компас журналіста».

    Асаблівая ўвага будзе нададзена распрацоўцы практычнай стратэгіі працы з сацыяльнымі сеткамі для кожнага ўдзельніка:

    – прасоўванне рэдакцыйнага кантэнту праз сацыяльныя сеткі;

    – стварэнне і публікацыя паспяховых пастоў у сацыяльных сетках;

    – асаблівасці размяшчэння рэкламы ў сацсетках;

    – мадэрацыя і развіццё актыўнасці ў супольнасцях і пабліках;

    – пастаноўка задач для SMM-спецыяліста;

    – аналіз эфектыўнасці працы для SMM-спецыяліста.

     

    ПАСЛЯ ЗАКАНЧЭННЯ КУРСА СЛУХАЧЫ БУДУЦЬ ВЕДАЦЬ:

    Якімі бываюць сацыяльныя сеткі і навошта журналісту здабываць у іх пастаянную прапіску?

    – Як скарыстаць сацыяльныя сеткі для збору эксклюзіўнай інфармацыі ды праверкі фактаў?

    – Як прасоўваць у Сеціве свае тэксты, фота і відэа (SMM)?

    – За што адказвае SMM-менеджар у рэдакцыі СМІ і якія могуць быць крытэрыі ацэнкі яго працы?

    – Як і навошта вывучаць аўдыторыю карпаратыўнага акаўнта і групы ў сацыяльных сетках?

    – Як даведацца якія тэмы найбольш абмяркоўваюць карыстальнікі сацыяльных сетак з Беларусі?

    – Якія сёння назіраюцца трэнды SMM у Беларусі?

    – Як, карыстаючыся сацыяльнымі сеткамі, не парушыць аўтарскія правы ды нормы прафесійнай этыкі?

    – Як вырашаць канфліктныя сітуацыі з адміністрацыяй сацыяльнай сеткі або наведвальнікамі вашага акаўнта?

    – Як захаваць уласную бяспеку ў сацыяльных сетках?

    – Што нясуць SMM-менеджару папраўкі ў закон «Аб СМІ», якія ўступілі ў дзеянне з 1 студзеня 2015 года?

     

    Курс «Сацыяльныя сеткі — компас журналіста» максімальна арыентаваны на практыку, прадугледжвае вялікі аб’ём самастойнай працы ўдзельнікаў.

    Галоўны трэнер курса — медыяэксперт Паўлюк Быкоўскі.

     

    ДА ЎДЗЕЛУ ЗАПРАШАЮЦЦА:

    Журналісты, якія вядуць свае акаўнты ў сацыяльных сетках, а таксама SMM-менеджэры рэдакцый СМІ.

     

    АПІСАННЕ КУРСА:

    Курс «Сацыяльныя сеткі — компас журналіста» стартуе 23 студзеня 2016 года ў Мінску і завяршаецца заключнай сесіяй 19 сакавіка 2016 года ў Вільні.

    Курс складаецца з васьмі заняткаў, якія правядуць беларускія прафесіяналы, і майстар-класу замежнага трэнера.

    Заняткі будуць праводзіцца раз на тыдзень па суботах з 11:00 да 14:00.

    Удзельнікі будуць працаваць над сваім медыяпраектам, канцэпцыю якога яны мусяць сфармуляваць і прэзентаваць падчас курса.

    Кожнаму удзельніку курса будзе прадастаўлена магчымасць кансультацыі з трэнерам, а таксама дэталёвы разбор выканання практычных заданняў.

    Заяўкі на ўдзел прымаюцца ад сябраў ГА «БАЖ» па электроннай пошце на адрас: baj@baj.by (з пазнакай «SMM») ДА 19 CТУДЗЕНЯ 2016 ГОДА.

     

    Ваша заяўка павінна ўтрымліваць:

    1. Кароткі расповед пра сябе.

    2. Абгрунтаванне свайго жадання ўдзельнічаць у курсе.

    3. Просьба АБАВЯЗКОВА даць у заяўцы спасылкі на свае акаўнты ў сацыяльных сетках, а таксама ацаніць свой узровень валодання тэхналогіямі працы ў сацыяльных сетках па шкале ад 1 (найніжэйшы ўзровень) да 5 (найвышэйшы ўзровень).

    Журналісцкі гараскоп на 2016 год 🙂

    Еўрарадыё без купюр

    Уявіце, што Facebook і ВКонтакте не існуюць…

    Любоў Каспяровіч. Кекс з рэдактарам

    Адар’я Гуштын і Ягор Марціновіч: «Адначасова пішам хвалебныя оды і зневажаем людзей»

    Сяргей Гудзілін: У 2016-м будзем паболей здзіўляць адзін аднаго!

    Вадзім Заміроўскі: На World Press Photo можа перамагчы добра зробленая human story

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці