Стыпендыі для журналістаў ад Акадэміі DW (дэдлайн — 15 сакавіка)
Маладыя журналісты, кіраўнікі СМІ ды іншыя спецыялісты ў сферы масавых камунікацый могуць падаць заяўкі на атрыманне гэтых стыпендый.

Фота: pexels.com
Акадэмія DW прымае заяўкі на ўдзел у Праграме міжнародных даследаванняў у сферы медыя (Media Studies Program). Навучанне пройдзе ў Боне (Германія) і пачнецца ў верасні 2025 года.
Праграма ўключае ўдзел у даследаваннях, лекцыі і практычныя заняткі па наступных дысцыплінах: медыя і развіццё, журналістыка і масавыя камунікацыі, медыяменэджмент.
Студэнты, якія паспяхова скончаць чатыры семестры праграмы, атрымаюць ступень магістра.
Патрабаванні да кандыдатаў:
- ступень бакалаўра;
- не менш за год прафесійнага досведу працы ў галінах, якія маюць дачыненне да СМІ;
- добрае веданне англійскай мовы.
Арганізатары размяркуюць дзесяць поўных стыпендый прэтэндэнтам з краін Усходняй Еўропы, Афрыкі, Азіі, Лацінскай Амерыкі.
Дэдлайн падачы заявак — 15 сакавіка 2025 года.
