Стыпендыя імя Элізабэт Нойфэр для журналістак ад IWMF (дэдлайн — 21 красавіка)

Журналісткі, якія асвятляюць тэмы правоў чалавека і сацыяльнай справядлівасці і выдатна валодаюць англійскай мовай, могуць падаць заяўкі на гэтую стажыроўку.

Міжнародны фонд жанчын у СМІ (IWMF) прымае заяўкі на атрыманне стыпендыі імя Элізабэт Нойфэр. Стыпендыя названа ў гонар пераможцы конкурсу «За смеласць у журналістыцы» 1998 года, карэспандэнткі Boston Globe, якая загінула падчас працы ў Іраку ў траўні 2003 года.

Прэтэндэнткі павінны мець як мінімум тры гады досведу працы ў журналістыцы і выдатна валодаць пісьмовай і вуснай англійскай мовай. Журналісткі-фрылансеркі таксама могуць падаваць заяўкі.

Удзельніцы гэтай праграмы на працягу шасці месяцаў займаюцца ў Цэнтры міжнародных даследаванняў Масачусецкага тэхналагічнага інстытута і праходзяць стажыроўку ў Boston Globe і The New York Times.

Пераможца атрымае стыпендыю, будуць аплачаны ўсе выдаткі, у тым ліку авіябілеты, пражыванне і медыцынская страхоўка.

Заяўкі прымаюцца да 21 красавіка.

РЭГІСТРАЦЫЯ

Падрабязней пра стыпендыю чытайце тут

Па дадатковых пытаннях пішыце Тэйлару Муру на пошту tmoore@iwmf.org