Стыпендыя Марыён Дэнхоф для маладых журналістаў (дэдлайн — 30 красавіка)

Журналісты ва ўзросце ад 20 да 35 гадоў з Беларусі, Украіны, Расіі, Грузіі, Арменіі, Малдовы, Казахстана, Кыргызстана, Таджыкістана і Узбекістана могуць падаць заяўкі на ўдзел у гэтай праграме.

Фота: pexels.com

Арганізацыя «Міжнародныя журналісцкія праграмы» (Inter­na­tionale Jour­nal­is­ten-Pro­gramme, IJP) праводзіць стыпендыяльную абменную праграму імя Марыён Дэнхоф для журналістаў, дакументалістаў і блогераў з Усходняй Еўропы.

Паспяховыя кандыдаты атрымаюць магчымасць прайсці разлічаную на 8 тыдняў стажыроўку ў рэдакцыях СМІ ва Ўсходняй Еўропе ці Германіі. Праграма пачнецца з уступнай канферэнцыі, якая пройдзе ў канцы верасня — пачатку кастрычніка 2025 года.

Выбраныя ўдзельнікі атрымаюць 4000 еўра. Гэтая сума прадугледжвае пакрыццё выдаткаў на пераезд, медыцынскую страхоўку і пражыванне ў Германіі.

Для ўдзелу неабходна добра валодаць англійскай ці нямецкай мовай.

Заяўкі прымаюцца да 30 красавіка 2025 года.

ПАДРАБЯЗНАСЦІ ТУТ