Стыпендыя Мілены Ясенскай для журналістаў (дэдлайн — 15 студзеня)

Аўстрыйскі Інстытут гуманітарных навук (Insti­tut für die Wis­senschaften vom Men­schen) запрашае падаць заяўку на стыпендыю Мілены Ясенскай. У конкурсе могуць удзельнічаць дасведчаныя журналісты, якія пішуць пра культуру.

Стыпендыяты правядуць тры месяцы ў Вене ў перыяд з верасня 2025 па чэрвень 2026 года.

Стыпендыя Мілены Ясенскай прысуджаецца за значныя дасягненні ў галіне культурнай журналістыкі. Кандыдаты павінны мець досвед працы ў друкаванай, радыё- або анлайн-журналістыцы на працягу некалькіх гадоў. Заяўкі журналістаў-пачаткоўцаў і студэнтаў не прымаюцца.

IWM прапануе:

• стыпендыю ў памеры 3300 эўра;
• магчымасць працаваць у офісе;
• доступ да даследчых аб’ектаў.

Заяўка на англійскай мове павінна ўключаць:

• матывацыйны ліст;
• апісанне праекта;
• праектная прапанова з апісаннем мэт праекта, яго бягучага стану, метадаў, плана работы;
• рэзюмэ са спісам публікацый;
• два рэкамендацыйныя лісты.

Заяўку на конкурс неабходна падаць праз анлайн-форму на сайце IWM.

Дэдлайн — 15 студзеня 2025 года.

ПАДРАБЯЗНАСЦІ І РЭГІСТРАЦЫЯ

Мілена Ясенска – чэшская журналістка і пісьменніца, антыфашыстка, якая загінула ў нямецкім канцлагеры Равенсбрук. Была сяброўкай і перакладчыцай Франца Кафкі.