«Зялёная сетка» запрашае медыі на сустрэчу з эксперткай па клімаце (22 студзеня)

«Зялёная сетка» запрашае журналістаў на прафесійную сустрэчу з кліматолагам, кандыдаткай геаграфічных навук Ганнай Скрыган. 

Калі: 22 студзеня 2026 года, 18.00 па мінскім часе.

Тэмы — аналіз кліматычных вынікаў мінулага года і чаго чакаць беларусам у 2026.

• Экстрэмальнае надвор’е 2025. Чаму нас залівала, смажыла і марозіла адначасова?
• Прагнозы на 2026. Ці рыхтаваць чоўны для паездак па цэнтры Мінска? І чаму эксперты прагназуюць засуху?
• Кліматычны «экстрэмізм». Як змяненне клімату ўплывае на рэальную бяспеку беларусаў? І што магчыма зрабіць, каб абараніць сябе?

Па матэрыялах размовы можна будзе падрыхтаваць публікацыю.

Экспертка — Ганна Скрыган, кандыдатка геаграфічных навук, былая кіраўніца магілёўскай грамадскай арганізацыі «Экапраект». Прайшла шлях ад навуковых канферэнцый па ўрбаністыцы да статусаў «экстрэмісткі» і «тэрарысткі» (паводле версіі МУС і КДБ Беларусі), адседзела ў калоніі за «разжыганне варожасці» і выйшла на волю ў верасні 2024-га.

ЗАРЭГІСТРАВАЦЦА