Сустрэча з нобелеўскім лаўрэатам Алесем Бяляцкім у Варшаве (рэгістрацыя — да 17 красавіка)

Для медыяў патрабуецца папярэдняя акрэдытацыя. Для ўваходу на сустрэчу журналісту трэба мець пасведчанне асобы з фотаздымкам. Колькасць месцаў абмежаваная.

Алесь Бяляцкі ў першыя хвіліны пасля дэпартацыі з Беларусі ў Літву. Фота: БАЖ

Studi­um Europy Wschod­niej, «Вясна» і Беларускі ПЭН запрашаюць на публічную сустрэчу з заснавальнікам і кіраўніком праваабарончага цэнтра «Вясна», нобелеўскім лаўрэатам Алесем Бяляцкім.

Сустрэча адбудзецца 20 красавіка 2026 года а 17:30 у гістарычным корпусе Варшаўскага ўніверсітэта (Krakowskie Przed­mieś­cie 26/28, «Stary BUW», уваход праз галоўную браму ўніверсітэта).

Гэта ўнікальная магчымасць сустрэцца з чалавекам, які на працягу дзесяцігоддзяў знаходзіўся ў эпіцэнтры барацьбы за праўду, правы чалавека, культуру і незалежнасць. За сваю праваабарончую дзейнасць Алесь Бяляцкі правёў у зняволенні ў сукупнасці больш за сем з паловай гадоў. Удзельнікі сустрэчы змогуць задаць праваабаронцу свае пытанні.

Таксама можна будзе набыць кнігу Алеся Бяляцкага і атрымаць аўтограф.

Удзел у мерапрыемстве патрабуе папярэдняй рэгістрацыі.

Прадстаўнікам медыя неабходна рэгістравацца ў тым самым спісе, пазначыўшы ў полі «арганізацыя» назву рэдакцыі. Для ўваходу на сустрэчу трэба мець пасведчанне асобы з фотаздымкам.

«Сысці ў цень — значыць прызнаць паразу». Алесь Бяляцкі пра місію медыя ў выгнанні

Колькасць месцаў абмежаваная, рэгістрацыя даступная толькі да 17 красавіка 2026 года.

Уваход у залу будзе адкрыты з 17:00.