Заканчваецца рэгістрацыя на ментарскую праграму для маладых журналістаў (да 5 верасня)
2 верасня 2015
Анлайн-часопіс «Ідэя» аб’яўляе набор заявак на ўдзел у ментарскай праграме для маладых журналістаў. Акрамя 2 сесіі (кожная сесія адбудзецца цягам 1 дня), ментары будуць дапамагаць 12 абраным журналістам у напісанні артыкулаў, якія потым будуць апублікаваны на сайце www.ideaby.org.
Ментарамі ў адпаведнасці з накірункамі будуць:
Палітыка – Аляксандр Класкоўскі, кіраўнік аналітычных ініцыятываў інфармацыйнага агенцтва БелаПАН;
Эканоміка – Аляксандр Чубрык, дырэктар Даследчага цэнтра Інстытута прыватызацыі і менеджменту;
Бяспека – Аляксандр Алесін, вайсковы аналітык і аглядальнік некалькіх беларускіх СМІ;
Грамадства – Вольга Шпарага, кандыдат філасофскіх навук, рэдактарка інтэрнэт-часопіса «Новая Еўропа».
За кожным ментарам будзе замацавана 3 аўтары.
@bajmedia
