“Вольнае слова”: сёлета спаборнічаюць каля 200 тэкстаў
6 красавіка 2017
Адметнасць “Вольнага слова” ў гэтым годзе: журналісты дасылаюць цыклы матэрыялаў.
Напрыклад, Хрысціна Марчук даслала цыкл матэрыялаў пра пілігрымку, Таццяна Гусева — пра тое, як нараджаюць беларускі. Журналістка TUT.BY Ксенія Ельяшэвіч даслала цыкл матэрыялаў пра трагедыю ў Маладзечне, калі на сельгасработах загінула школьніца, а журналістка “Нашай Нівы” Настаcся Роўда — цыкл “Беларускае грамадзянства” пра міграцыю за межы Беларусі.
— Гэта добра, што журналісты пачалі мысліць праектамі. Беларускай журналістыцы не ставала раней праектнага мыслення, — гаворыць старшыня журы конкурсу “Вольнае слова” Юрась Карманаў. — Цяпер бачым, што ўсе зразумелі: эфектыўней рабіць доўгатэрміновыя праекты. Таксама некаторыя ўдзельнікі адукацыйнага курсу “Спецпраекты” даслалі свае працы. Цыкл уключае некалькі тэкстаў, але ацэньваюцца яны як адзін.
На “Вольнае слова” падалі працы 67 аўтараў, агулам каля 200 тэкстаў. Таксама сёлета актыўнасць праявілі журналісты рэгіянальных СМІ. Традыцыйна сябры журы збяруцца 24 красавіка, каб абмеркаваць вынікі. Будзе апублікаваны шорт-ліст.
Вынікі конкурсу будуць агучаныя ў Сусветны дзень свабоды прэсы 3 мая.
@bajmedia
Сілавікі ціснуць на бацькоў вядоўцаў тыкток-канала «Люстэрка»
23.07.2024
Журналістку Алену Шабуню судзілі па двух адміністрацыйных артыкулах. Пра суд ёй нават не паведамілі
19.02.2024
Барысаўскага фатографа Аляксандра Зянкова прызналі палітзняволеным
23.01.2024
Методы Хенка ван Эсса для поиска в соцсетях: Facebook
20.02.2024
