Навіны

Напярэдадні «адзінага дня галасавання» ўся ўвага дзяржаўных сродкаў масавай інфармацыі ў Беларусі скіраваная на тое, каб пераканаць грамадзян у неабходнасці наведаць выбарчыя ўчасткі і прыняць удзел у галасаванні. Пры гэтым амаль незаўважна на старонках газет, у эфірах радыё і тэлебачання прысутнічаюць праграмныя выступы галоўных герояў выбарчай кампаніі — кандыдатаў у дэпутаты Палаты прадстаўнікоў і мясцовых саветаў.      Чаму так адбываецца? Гэта паспрабавала патлумачыць чытачам у сваёй аўтарскай калонцы рэдактарка столінскай дзяржаўнай раённай газеты «Навіны Палесся» Алена Клімушка.

Заяву аб прызнанні відэааператара-фрылансера Яўгена Глушкова палітычным вязнем беларуская праваабарончая супольнасць прыняла 15 лютага.

У Берліне прайшло ўзнагароджанне другой Беларускай прэміі кінакрытыкаў «Чырвоны верас». Фільм Мары Тамковіч «У жывым эфіры» атрымаў ганаровы дыплом у катэгорыі «Спецыяльная згадка» за віртуознае мастацкае адлюстраванне трагедыі цэлай краіны праз кароткі эпізод у менскай кватэры. 

На відэа, якое апублікаваў блізкі да сілавікоў тэлеграм-канал «Книга ГУ"БАЗА"», жанчына не называе свае дадзеныя. Яна кажа, што ў 90-х гадах працавала ў Вярхоўным Савеце і Савеце міністраў Беларусі. Пасля працавала ў розных «часопісах і газетах».

Міністэрства інфармацыі Беларусі папоўніла спіс інтэрнэт-рэсурсаў, прызнаных экстрэмісцкімі матэрыяламі. У яго дадалі яшчэ некалькі старонак у сацсетках, афіляваных з незалежнымі выданнямі. А таксама старонку ў Facebook віцебскай блогеркі Алены Янушкоўскай.