Навіны

У Драгічыне 22 снежня затрымалі карэспандэнта інфармацыйнага сайта “Першы Рэгіён” Сяргея Гардзіевіча.

22 снежня сілавікі прыйшлі дадому да праграмнага дырэктара Press Club Belarus Алы Шарко. Яна паспела паведаміць у БАЖ, што сілавікі ламаюць ёй дзверы. У дырэктара Press Club Belarus Сяргея Альшэўскага таксама вобшук. Cілавікі прыйшлі з ператрусам і да дырэктара "Акадэміі прэс-клуба" (адукацыйны праект) Сяргея Якупава. У офіс таксама прыйшлі сілавікі. Заснавальніцу Press Club Belarus Юлію Слуцкую затрымалі сёння па прылёце ў Мінск у Нацыянальным аэрапорце.  Прадстаўнікі Press Club Belarus, у якіх сёння былі ператрусы, затрыманыя на 72 гадзіны, паведамляе Tut.by.

25 снежня Раство Хрыстовае адзначаюць каталікі, пратэстанты, уніяты і частка праваслаўных. Традыцыйна ў ноч на 25 снежня на тэлеканале «Беларусь-1» транслюецца святочная імша з аднаго з касцёлаў, а раніцай да вернікаў звяртаецца мітрапаліт Мінска-Магілёўскі архідыяцэзіі Тадэвуш Кандрусевіч.

Адышоў у іншы свет наш калега Мікалай Тоўсцік. ГА "БАЖ" спачувае родным і калегам спадара Мікалая. Мікалай Тоўсцік быў у прафесіі журналіста з 1974 года. Прайшоў усе прыступкі газетнай іерархіі – ад шараговага карэспандэнта да галоўнага рэдактара “Магілёўскай праўды” і намесніка галоўнага рэдактара “Народнай газеты”. "У чалавека заўсёды ёсць выбар — быць сумленным або несумленным. І час, у які ён жыве, прафесія і месца працы тут абсалютна ні пры чым. Гэта як розум ці як грошы — або ёсць, або няма, — казаў спадар Мікалай. Вялікі матэрыял пра Мікалая Тоўсціка можна прачытаць тут. З кнігі "Інтэрв'ю, якіх не было".

18 снежня ў рэдакцыю Hrodna.life прыйшоў інспектар МНС з пазапланавым маніторынгам. З ім былі два супрацоўнікі міліцыі і чалавек у цывільным. Апошні аказаўся супрацоўнікам аддзела ідэалогіі.