Журналіст Алесь Сіліч арыштаваны на 10 сутак

Нагадваем, 53-гадовага журналіста затрымалі 21 траўня за «размахванне БЧБ-стужачкай і пашпартам з гербам Пагоня». У Першамайскім РУУСе на журналіста склалі пратакол па арт. 24.23 КаАП і адправілі ў ІЧУ на Акрэсціна чакаць суд.

24 траўня справу Сіліча разглядзела суддзя Таццяна Ліннік, але ўжо пасля заканчэння 72-гадзіннага тэрміну.

Па словах Алеся, пашпарт з Пагоняй дэманстраваў не ён, а супрацоўнік міліцыі: «Мы праводзілі апытанне каля ГЦ, але потым нас затрымалі і склалі пратакол па арт. 22.9 КаАП. Нас збіраліся адпусціць, але правялі агляд рэчаў, пасля чаго знайшлі пашпарт з Пагоняй і бранзалет, а не стужачкі. Таму на нас склалі новы пратакол па арт. 24.23 КаАП. Таму Пагоня дэманстравалася не мной, а супрацоўнікам, які яе дастаў». Сведка-міліцыянт на судзе нават пераблытаў дату затрымання.

UPD. Журналіст Алесь Сіліч не выйшаў на волю, хоць яго адміністрацыйную справу адправілі на дапрацоўку, а 72 гадзіны даўно скончыліся.

Па інфармацыі калег, супраць журналіста ў міліцыі склалі новы пратакол. БАЖ патрабуе неадкладнага вызвалення нашага калегі Алеся Сіліча і ўсіх іншых прадстаўнікоў медыя!