Навіны

  Вядомы беларускі фотамастак, сябра ГА “БАЖ” Андрэй Лянкевіч перамог у намінацыі “Вялікі прыз” выставачнага праекта «Восеньскі салон з Белгазпрамбанкам».

  Дырэктар прыватнай друкарні «Палікрафт» Фёдар Басько пацвердзіў «Нашай Ніве», што наклад пасмяротнай кнігі Віталя Сіліцкага «Доўгая дарога ад тыраніі: посткамуністычны аўтарытарызм і барацьба за дэмакратыю ў Сербіі і Беларусі» быў знішчаны на загад Мінінфармацыі.

  На выходных новую “партыю” юных рэпарцёраў выпусцілі Школы маладога журналіста (ШМЖ), якія працавалі пры рэдакцыях рэгіянальных СМІ.

  Спецдакладчык па Беларусі Міклаш Харасці на пасяджэнні Генеральнай асамблеі ААН выступіў са справаздачай аб свабодзе выказвання меркаванняў у Беларусі. Незалежнасць СМІ ў Беларусі немагчымая з-за дазвольнай сістэмы рэгістрацыі і адвольных правілаў адносна адклікання ліцэнзій, – лічыць спадар Харасці. Асноўныя высновы справаздачы: плюралізм СМІ адсутнічае; Беларусь з'яўляецца адзінай у Еўропе краінай, дзе няма прыватных кампаній агульнанацыянальнага вяшчання; урад выступае ў ролі прамога рэгулятара ўсіх відаў СМІ; крытычныя выказванні і расследаванні спыняюцца праз крыміналізацыю зместу, які разглядаецца як "шкодны для дзяржавы", праз злачынную дыфамацыю і законы аб нанясенні знявагі, якія абараняюць дзяржаўных службовых асоб, і, у прыватнасці, прэзідэнта, ад кантролю з боку грамадскасці.