Журналісты-фрылансеры сустрэліся ў Глыбокім
6 снежня 2015
У межах кампаніі “За фрыланс!” на выходных журналісты-фрылансеры абмяркоўвалі прававыя ды іншыя аспекты сваёй працы.
Удзел у сустрэчы ўзялі беларускія журналісты, якія цягам апошніх гадоў прыцягваліся да адміністрацыйнай адказнасці альбо адчулі на сабе ціск з боку ўладаў.
Юрысты ГА “БАЖ” падрабязна распавялі пра прававыя аспекты працы, практыку прымянення заканадаўства аб СМІ ў Беларусі і пра новаўвядзенні ў ім.
Журналістаў пракансультавалі пра парадак дзеянняў у выпадку затрыманняў, пагрозаў, адміністрацыйнага альбо крымінальнага пераследу.
Удзельнікі адзначылі пазітыўную тэндэнцыю другой паловы 2015 года, калі ніводзін журналіст у Беларусі не быў прыцягнуты да адміністрацыйнай адказнасці за працу без акрэдытацыі на замежнае выданне.
Разам з тым яны заўважылі, што ў беларускім заканадаўстве не адбылося ніякіх зменаў, якія маглі б засцерагчы ад падобнага пераследу ў будучым. Таму журналістам-фрылансерам неабходна добра ведаць заканадаўства і карыстацца ўсімі магчымасцямі, якія яно прадастаўляе.
@bajmedia
Філосаф Уладзімір Мацкевіч пасля аперацыі зноў пераведзены ў турму
18.08.2023
Завочны суд над журналістам Уладзімірам Хільмановічам пачнецца 29 ліпеня ў Гродне
26.07.2024
Супраць былых супрацоўнікаў светлагорскай ТРК «Ранак» распачалі крымінальную справу за стварэнне экстрэмісцкага фармавання. Каментар юрыста
14.12.2023
На ўдзельнікаў трансляцыі марафону салідарнасці з палітвязнямі МУС завяло крымінальную справу
03.10.2023
