Новая прэзідэнтка МФЖ — францужанка Дамінік Прадалье
2 чэрвеня 2022
Спадарыня Дамінік Прадалье, сябра Нацыянальнага саюза журналістаў Францыі (SNJ), была абрана прэзідэнткай Міжнароднай федэрацыі журналістаў сёння на 31-м Кангрэсе МФЖ у Маскаце (Аман).
Пасля шасці гадоў працы ў Выканаўчым камітэце МФЖ Дамінік змяніла на пасадзе прэзідэнта буйнейшай журналісцкай арганізацыі свету Юнэса Мджахеда.
Спадарыня Прадалье працавала на працягу ўсёй кар’еры ў французскім грамадскім вяшчанні, ад ORTF да France Télévisions, і была галоўным рэдактарам начных навін на France 2. З 1926 года, калі была заснавана Міжнародная федэрацыя журналістаў, Дамінік Прадалье стала другой жанчынай-прэзідэнкай пасля бельгійскай журналісткі Міі Дорнарт (1986–1990).
Яе паўнамоцтвы прадоўжыцца да 2026 года, калі МФЖ адсвяткуе свой стогадовы юбілей.
Беларуская асацыяцыя журналістаў з’яўляецца сябрам Міжнароднай федэрацыі журналістаў, самай вялікай журналісцкай арганізацыі свету, з 1997 года.
БАЖ вітае спадарыню Прадалье на новай пасадзе і дзякуе МФЖ за шматгадовую падтрымку і салідарнасць.
@bajmedia
«Спрабуюць прымусіць мяне замаўчаць». Леанід Судаленка — пра новую крымінальную справу
04.03.2024
Як пісаць пра палітвязняў, каб не нашкодзіць? Распавядаем, пра што гаварылі ў Празе на Кангрэсе па палітзняволеных
28.05.2024
Магілёўскі абласны суд прыгаварыў журналістаў Алеся Сабалеўскага і Яўгена Глушкова да зняволення і буйных штрафаў
01.08.2024
Былога рэдактара смаргонскай газеты трэці раз судзілі за «распаўсюд экстрэмізму»
24.04.2024
