У Кіеве офіс «Украінскай праўды» пацярпеў ад расійскай ракеты

У выніку масіраванага камбінаванага нападу Расіі на Кіеў у ноч на 28 жніўня пацярпеў офіс «Украінскай праўды», паведаміла рэдакцыя выдання.

Офіс рэдакцыі 28 жніўня 2025 года. Фота: «Украінская праўда»

«Вось так выглядае офіс «Украінскай праўды» раніцай пасля расійскага нападу.

Ніхто не пацярпеў, і гэта галоўнае: у нас бываюць выпадкі, калі людзі застаюцца на ноч працаваць з матэрыяламі. Але на гэты раз нікога не было. Мы будзем аднаўляць, аднаўляць і працаваць як звычайна.

Спачуванні ўсім, хто сёння страціў сваіх блізкіх. У сталіцы ўжо загінулі 12 чалавек і 45 атрымалі раненні», — напісала на сваёй старонцы ў Face­book шэф-рэдактарка выдання Сявгіль Мусаева.

Офіс рэдакцыі 28 жніўня 2025 года. Фота: «Украінская праўда»

 

Цяпер журналісты чакаюць афіцыйную інфармацыю аб маштабах пашкоджанняў і стане будынка. Рэдакцыя, нягледзячы на абставіны, працягвае працаваць у штатным рэжыме.

Офіс рэдакцыі 28 жніўня 2025 года. Фота: «Украінская праўда»