• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Охранительная журналистика» і «Рэзананс»

    ­Напраўду, да гэтага часу зьдзіўлены, чаму беларуская журналісцкая супольнасьць аніяк не адрэагавала на зьяўленьне новай навуковай дысцыпліны, якая трактуе актуальныя ­праблемы найстаражытнейшай прафэсыі. Вось ужо колькі месяцаў на сайце http://naviny.by пры кожным новым допісе спадара А. Зімоўскага паведамляецца, што ён выступае «основоположником, теоретиком и практиком охранительного направления в белорусской тележурналистике». «І што ж?», — запытаецца чытач.

    А тое, што па акадэмічных мерках стварэньне новага накірунку — гэта буйная навуковая падзея. А тут ані ўвагі, ані цікавасьці, ані абмеркаваньня. Карацей, аніякага рэзанансу. Чаму? Няўжо ў краіне кожны дзень адбываюцца значныя навуковыя падзеі? Тым больш у журналістыцы!

    Але зьвернемся, як казалі за савецкім часам, да першакрыніцаў. Некалькі разоў праэксплюатаваныя пошукавікі Google, Yandex i Rambler прынесьлі цікавыя вынікі.

    Па-першае, заснавальнік і тэарэтык накірунку покуль ня мае ў Інтэнэце ня тое што якога-небудзь трактату, прысьвечанага гэтай новай навуковай дысцыпліне, але нават і артыкула. (Ну, што ж, можа быць, яшчэ пішуцца). А біяграфія шаноўнага аўтара падае, на жаль, толькі адну апублікаваную працу (Зимовский А.Л., Козловский В. В. Справочник банковского служащего, Мн.: Веды, 1998), якая да названай дысцыпліны аніякага дачыненьня ня мае.

    Па-другое, кірунак зусім і ня новы. Паўстаў ён у расейскай журналістыцы ў 20-я гады XIX ст. і зьвязаны са стварэньнем ІІІ аддзяленьня Яго Імпэратарскай вялікасьці канцылярыі, якое было прызначана для барацьбы з вальнадумствам. З той жа мэтай ды, акрамя таго, мэтай умацаваньня самаўладзьдзя арганізуецца і афіцыйны друк. Крыху пазьней «філязофія» «охранительной журналистики» крышталізавалася ў добравядомай формуле «православие, самодержавие и народность».

    А за камуністамі той жа накірунак пасьпяхова разьвівала савецкая журналістыка. Як піша Р. Аўсепян, «Советская журналистика на протяжении всей своей истории выполняла охранительные функции. Будучи однопартийной, она стала составной ­частью партийной структуры, взяв на себя миссию идеологического обеспечения деятельности административно-командной си­стемы» (Овсепян Р. П. История новейшей отечественной журналистики (учебное пособие).

    Так што да зьяўленьня фундамэнтальных працаў па названай дысцыпліне шаноўнага Аляксандара Леанідавіча варта пакуль прызнаць толькі «практиком охранительного направления». А практык ён, як кажуць, ад Бога. (Госпадзе, памілуй!). Маю на ўвазе праграму «Рэзананс». Будучым гісторыкам беларускай журналістыкі раю яе прааналізаваць, каб канструяваць пастулаты і галоўныя прынцыпы «охранительного направления в белорусской тележурналистике».

    І дай Бог, каб да той пары гэтая праграма захавалася ў архівах БТ.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Телеграм‑бот «Глаз бога» и «Магнит». Как милиционеры пробивают телефонные номера, почты и адреса беларусов

    Чтобы узнать, что у вас есть «безопасная» почта, вычислить адрес, куда вам привозят доставку еды (на квартиру, о которой никто не знает?) или в каких городах вы были, когда оплачивали сервисы в интернете — можно не отбирать ваш телефон или карту. Милиционеры пользуются ботами, которые уже собрали всю эту информацию — например, «Глаз бога». «Медиазона» вместе с «Киберпартизанами» рассказывает, как устроен бот.
    07.09.2023
    Акцэнты

    Какую информацию о нас хранят телеграм‑боты, чем они опасны и как удалить их из аккаунта? Отвечают эксперты

    21.08.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці