Пінскага блогера будуць судзіць за карыкатуры на Пуціна і Лукашэнку

Падставай для адміністрацыйнага пераследу стала карыкатура на расійскага прэзідэнта, якую пінчук размясціў на сваёй старонцы ў Face­book. На ілюстрацыі Пуцін апрануты ў фашысцкую форму. Міліцыянты палічылі гэта за прапаганду нацысцкай сімволікі і распачалі справу паводле арт. 19.10 КаАП.

Да таго ў дачыненні Мікалая Клімовіча распачалі крымінальную справу за абразу Аляксандра Лукашэнкі (паводле арт. 368 КК “Абраза прэзідэнта Рэспублікі Беларусь”). Падставай паслужыла таксама карыкатура ў сацыяльнай сетцы, там блогер размясціў сатырычны малюнак з Лукашэнкам падобны да таго, як і з Пуціным. Па гэтай справе пакуль ідзе справаводства, дата суда яшчэ невядомая.

Увагу сілавікоў сацсеткі Мікалая Клімовіча прыцягнулі ў снежні мінулага года. Тады яго затрымалі і змясцілі ў ізалятар часовага ўтрымання. За кратамі блогер адседзеў трое сутак, пасля яму стала дрэнна з сэрцам, бо мае інваліднасць у сувязі з хваробай сэрца.

Міліцыянты перадалі яго лекарам на лячэнне і вызвалілі да суда. Але час ад часу выклікаюць на допыты.

Мікалай Клімовіч не спадзяецца на апраўдальны прысуд. Пры гэтым адзначае, што можна было б паглядзець і зразумець, што хаваецца на самой справе за гэтымі ілюстрацыямі.

Чытайце яшчэ:

Апеляцыю Сяргея Сацука Вярхоўны суд будзе разглядаць у закрытым рэжыме

Як гомельскі міліцыянт даслужыўся да намесніка галоўрэда дзяржаўнай газеты

“Внимательно читайте договор!” Особенности авторского права в Литве