Валанцёрскія справы БАЖ у Полацку
30 жніўня 2018
У сярэдзіне жніўня полацкая суполка Беларускай асацыяцыі журналістаў удзельнічала ў арганізацыі мерапрыемстваў летніка для дзяцей з інваліднасцю. Прадстаўнікі БАЖ падарылі дзецям наборы паперы для творчых заняткаў, арганізавалі віктарыну па гісторыі старажытнага Полацка з салодкім прызамі пераможцам і ўдзельнікам.
Ужо дзевяты раз у Полацку ладзіўся тыднёвы лагер для дзяцей з інваліднасцю. Гэты летнік арганізуе Хрысціянскі валанцёрскі рух Святога Мікалая пры Беларускай грэка-каталіцкай царкве.
Полацкія сябры ГА “БАЖ” вырашылі дапамагчы ў правядзенні летніка для дзяцей.
Апроч набыцця канцылярскіх тавараў ды прысмакаў для дзяцей, журналісты правялі віктарыну па гісторыі старажытнага Полацка.
Як распавёў кіраўнік полацкай суполкі ГА “БАЖ” Віктар Стукаў, дзеці з задавальненнем прымалі ўдзел у мерапрыемствах летніка. А сам летнік — добрая магчымасць для любога чалавека паспрабаваць сябе ў якасці валанцёра, памочніка.
Летнік праходзіў у прыватным доме на ўскраіне Полацка. Валанцёры Хрысціянскага валанцёрскага руху Святога Мікалая дапамагалі арганізаваць паўсядзённы побыт, заняткі і забавы. Кожны дзень у царкве прападобнай Параскевы Полацкай, якая знаходзіцца побач, праходзіла літургія з удзелам дзяцей і валанцёраў.
@bajmedia
Польскае тэлебачанне патрабуе ад былых кіраўнікоў Тэлевізійнага інфармацыйнага агенцтва 1,3 мільёна злотых за акупацыю студый
06.03.2024
«Хоча застацца чалавекам, калі выйдзе на волю». Пра што марыць журналістка Ірына Слаўнікава
30.10.2023
12 пунктаў ад відэааблогера — пра тое, чаму ў Беларусі памерла здымка з паветра
27.11.2023
В Вильнюсе слышно белорусское радио. Планируются проверки
11.08.2023
