• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Сябры БАЖ уганараваныя праваабарончымі прэміямі

    У Мінску ўручылі прэміі ў галіне правоў чалавека, заснаваныя беларускімі праваабарончымі арганізацыямі. Сёлета прызы ўручалі ў намінацыях “Асоба”, “Праваабаронца года” і “Журналіст года ў галіне правоў чалавека”. Лаўрэатамі сталі два сябры ГА “Беларуская асацыяцыя журналістаў”.

    Прэмію ў намінацыі “Асоба” атрымаў ветэран журналістыкі і праваабарончага руху, сябра БАЖ Валерый Шчукін. Яго артыкулы з’яўляліся ў газетах “Товарищ” і “Народная воля”. Самога Шчукіна дзясяткі разоў затрымлівалі супрацуоўнікі праваахоўных органаў на апазіцыйных акцыях, збівалі, а колькасць праведзенага ім часу за кратамі вылічваецца месяцамі. Ганаровы дыплом 73-гадоваму Валерыю Шчукіну ўручыў былы палітвязень, кіраўнік зачыненага ўладамі Праваабарончага цэнтра “Вясна” Алесь Бяляцкі.

    А прэмію “Журналіст года ў галіне правоў чалавека” атрымаў карэспандэнт “Еўрапейскага радыё для Беларусі” таксама сябра БАЖ Зміцер Лукашук.

    Вось толькі адна з прычын, чаму ён сёлета атрымаў прэмію. Пасля шэрагу інтэрв’ю з украінскімі добраахвотнікамі, валанцёрамі, байцамі ўзброеных сіл Украіны і праваабаронцамі, рэдакцыя “Еўрарадыё” вырашыла даць пазіцыю іншаму боку. У эфіры і на сайце выйшлі інтэрв’ю з так званым прэм’ер-міністрам ДНР Аляксандрам Захарчанкам. А праз некалькі дзён да “ЕР” звярнуўся валанцёр з Херсона Дзмітрый Углач. Уцякач з акупаванага Расіяй Крыма, былы супрацоўнік праваахоўных органаў Украіны Дзмітрый займаецца дапамогай ваеннапалонным у занятым сепаратыстамі Данецку, вядзе перамовы па вызваленні вайскоўцаў з палону, дапамагае выехаць на тэрыторыю Украіны цывільным грамадзянам. Прапанова ўкраінскага валанцёра была ў наступным: выйсці яшчэ раз на Захарчанку і ад імя “Еўрарадыё”, спасылаючыся на нядаўна распачатыя ў Мінску перамовы па ўрэгуляванні канфлікту ва Украіне, і папрасіць так званага прэм’ер-міністра ДНР паспрыяць вызваленню шэрагу палонных.

    Прапанову Дзмітрыя Углача падтрымаў калектыў “Еўрарадыё”. Журналісты зноў звярнуліся да Аляксандра Захарчанкі, даслалі спіс з прозвішчамі ваеннапалонных. Перамовы цягнуліся амаль два тыдні, але нечакана, без папярэджання з боку ДНР, група палонных была вызваленая. Беларускія праваабаронцы лічаць, што ў гэтым ёсць непасрэдная заслуга Змітра Лукашука.

    Паводле ягоных словаў, гэтая ўзнагарода сталася для яго нечаканаю. “Так, тэма правоў чалавека займае хай і не першае, але вельмі важнае месца сярод тэмаў маіх рэпартажаў на “Еўрарадыё”. У адным выпадку сюжэт рэпартажу і паварот тэмы нараджаецца спантанна, у іншым – прапрацоўваецца і рыхтуецца доўга і сур’ёзна. Так, тэма ваеннапалонных у канфлікце на Данбасе даволі часта ўздымалася падчас маіх інтэрв’ю з украінскімі салдатамі, добраахвотнікамі, валанцёрамі, святарамі і палітыкамі. Вынікам іх стала гісторыя, апісаная ў выніковым матэрыяле.

    Тэма асуджаных да смяротнага пакарання і разваг над тым, колькі таго пакарання здолелі ўнікнуць прывяла ў выніку да інтэрв’ю з адным такім “шчасліўцам”.

    Увогуле, тэма правоў чалавека тым ці іншым чынам закранаецца даволі часта. Вось толькі частка рэпартажаў на гэтую тэму, падрыхтаваных Лукашуком цягам гэтага году:

    “Беларусь кажа, што не прызнае кампетэнцыю Камітэта па правах чалавека ААН”

    Праз якую судзімасць тры апазіцыянеры не трапілі ў склад акруговай камісіі?

    Пад амністыю не трапяць наркагандляры і паклёпнікі на кіраўніка дзяржавы

    Юрыст: “Пагражаюць арыштам, а кажуць, што працаваць не прымушаюць!”

    Ці можна выклікаць у суд чалавека з дапамогай СМС?

    Дэпутат: “Людзям мяняць працу толькі таму, што мы прынялі нейкі закон?!”

    Кветкі Змітру Лукашуку ўручыла былая старшыня БАЖ, сябра праўлення асацыяцыі Жанна Літвіна.

    “Кожны з сёлетніх лаўрэатаў па-свойму мне дарагі і блізкі чалавек. Супадаюць нашы грамадзянскія пазіцыі, нашы перакананні, я ў захапленні ад самаахвярнасці сваіх калегаў. Жадаю, каб доўгія-доўгія гады жыў гэты наш конкурс, і каб мы яшчэ неаднойчы віншавалі выбітных людзей у праваабарончай сферы”, — сказала Жанна Літвіна.

    “Праваабаронцам года” быў названы намеснік старшыні ПЦ “Вясна” юрыст Валянцін Стэфановіч.

    Традыцыйна пераможцаў Нацыянальнай прэміі беларускіх праваабаронцаў за дасягненні ў галіне правоў чалавека вызначаюць у трох намінацыях: “Праваабарончая дзейнасць”, “Адвакацкая дзейнасць” і “Журналістыка”. У адкрытым галасаванні бяруць удзел лідары праваабарончых арганізацый (у тым ліку ГА “Беларуская асацыяцыя журналістаў”, РПГА “БХК”, закрытага ўладамі ПЦ “Вясна”, “Праваабарончага альянсу” і іншых) і былыя лаўрэаты конкурса. 

    Прэмію заснавала ў 2008 годзе зарэгістраваная ў Літве арганізацыя “Праваабарончы альянс”.

    У папярэднія гады ў журналісцкай намінацыі праваабаронцы адзначалі Сямёна Печанко, Алега Груздзіловіча, Уладзіміра Грыдзіна, Юлію Дарашкевіч, Андрэя Пачобута, праграму “Маю права” тэлеканала “Белсат”, Алену Панкратаву і сайт spring96.org.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    «Медиазона» часто пишет новости о том, как заключенных отправляют в ШИЗО, ПКТ или переводят на тюремный режим. В колониях политзаключенные не сидят в камерах, а живут в бараках, ходят на работу по улице. Но даже этих «удобств» можно лишить. По сути, осужденные отбывают двойное наказание — часто по надуманным поводам — мерзнут в одиночных камерах, дышат хлоркой и не получают письма. «Медиазона» рассказывает, как наказывают тех, кто уже наказан заключением в колониию и СИЗО.
    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці