• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Трус перад удавам: гісторыя пра камісію, што баіцца і слова сказаць журналістам ды выбаршчыкам

    А можа, яны не хочуць галоснасці?

    На 34‑й акрузе ў Гомелі вылучаюцца ў кандыдаты кладаўшчык ды рабочы завода. Цікавая акалічнасць, — падумала я і вырашыла пра гэта напісаць. Па дэталі патэлефанавала на нумар гэтай камісіі. Я прадставілася журналісткай і запыталася пра прозвішчы людзей, чые ініцыятыўныя групы зарэгістраваныя на акрузе. Імёнаў я не атрымала, затое атрымала дзіўную размову:

    Больш за ўсё мяне здзівіў апошні аргумент сябры камісіі: “а можа, яны, кандыдаты, не захочуць, каб пра іх гаварылі?” Вось табе і чэсныя, вось табе і адкрытыя.

     

    Прафесіяй не выйшла

    Цётачка перапужалася, было відавочна. Магчыма, справа ў тым, што яна размаўляла з журналісткай? На наступны дзень я патэлефанавала як выбаршчыца. Так склалася, што гэта менавіта тая акруга, дзе я зарэгістраваная выбаршчыцай. Але і ў новым амплуа я атрымала адмову. Праўда, у дадатак — разгорнутую кансультацыю пра тое, як ставіць подпісы.

    Запіс размовы

     

    Страх за мяккае месца

    Вельмі некамфорная для журналісцкай працы сітуацыя мяне раззлавала. Я напісала артыкул без прозвішчаў, але ўсё адно вырашыла высветліць, у чым справа. Тэлефанванне ў ЦВК змякчыла маё сэрца. Я адчула, што размаўляю з чалавекам, які на сваім месцы, а не з цётачкамі, што баяцца зрабіць штосьці не так.

    У ЦВК дзеянні акруговай камісіі №34 назвалі смешымі ды абяцалі разабрацца, што ў іх там такое адбываецца.

     

    Трус перад удавам

    Прозвішчы — гэта ж дробязь. Мне няпроста ўявіць, як ў дадзенай сітуацыі так склалася, што ў сябраў камісіі замест жадання кіравацца законам дамінуе жаданне захаваць у бяспецы сваё мяккае месца.

    Дзе ды на якіх семінарах іх так пужаюць, што наўпрост адбіваецца ўменне самастойна думаць і прымаць рашэнні? І хто той “удаў”, каторы так загіпнатызаваў гэтых “трусоў” у выбарчых камісіях? Я ўсё думала над гэтымі пытаннямі, а потым кінула: ну і што з таго, калі я буду ведаць адказы? Галоўнае ж — не чаму, а што. Што зрабіць, каб вынішчыць гэты страх, каб нарэшце не трэба было тры дні займаць пошукамі прозвішчаў вылучэнцаў?

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    28.06.2023
    Акцэнты

    Чацвёра з дзесяці сышлі з прафесіі. Як абышоўся «Талібан» з журналістыкай у Афганістане

    Далёкі Афганістан і Беларусь яднае не так ужо мала, як падаецца на першы погляд. Калі глядзець на медыясферу, дык атрымліваецца амаль што калька: незалежныя журналісты працягваюць працу ў выгнанні, некаторых кінулі ў турму, у індэксе свабоды прэсы абедзве краіны — у чырвонай зоне. Фотарэпарцёрка Фаціма Хасайні, калі завітала ў Вільню, падзялілася ўласным поглядам на сітуацыю.
    01.03.2024
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці