Кіраўніцтва ГА “БАЖ” наведала Кастуся Жукоўскага
19 красавіка 2016
Прэс-служба ГА "Беларуская асацыяцыя журналістаў"
Старшыня арганізацыі Андрэй Бастунец, намеснік старшыні Міхась Янчук, а таксама сябра праўлення Алег Агееў наведалі ў Гомелі БАЖаўца Кастуся Жукоўскага.
Яны выказалі журналісту словы падтрымкі і салідарнасці, а таксама абмеркавалі магчымыя спосабы абароны Жукоўскага ад пераследу.
З мінулага года судовыя і міліцэйскія ўлады распачалі сапраўднае цкаванне гомельскага журналіста.
Толькі за чатыры месяцы сёлета Кастуся Жукоўскага 7 разоў прызнавалі вінаватым у працы без акрэдытацыі на незалежны спадарожнікавы тэлеканал “Белсат” і прысуджалі яму буйныя грашовыя штрафы. Апошні такі суд адбыўся ў Гомелі ў мінулую пятніцу. На знак пратэсту Жукоўскі сімвалічна зашыў сабе рот.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
