Гомельскую журналістку Ларысу Шчыракову будуць судзіць 17 сакавіка
14 сакавіка 2017
На журналістку-фрылансерку Ларысу Шчыракову складзены пратакол за парушэнне артыкула 23.34 КаАП (парушэнне парадку арганізацыі ці правядзення масавых мерапрыемстваў).
Пратакол быў складзены ў РАУС Гомельскага раёна. Ларыса Шчыракова як журналістка-фрылансерка 12 сакавіка ездзіла асвятляць акцыю пратэсту ў Рагачове супраць дэкрэта № 3.
Міліцыянты прад’явілі Шчыраковай фотаздымкі з акцыі, дзе яна зафіксаваная на месцы падзей. Таксама былі скрыншоты з онлайн-трансляцыі “Радыё Свабода”.
Суд над Ларысай Шчыраковай адбудзецца 17 сакавіка а 14.30 па адрасе г.Гомель, вул.Шаўчэнкі, 7а.
Таксама позву ў Цэнтральны РАУС Гомеля на 15 сакавіка атрымаў старшыня Гомельскай філіі ГА “БАЖ” Анатоль Гатоўчыц, які таксама быў у Рагачове ад інфармацыйнай кампаніі БелаПАН падчас нядзельнай акцыі пратэсту. Яго таксама выклікаюць у сувязі з адміністрацыйным парушэннем паводле артыкула 23.34 КаАП.
Рэпрэсіі супраць журналістаў у Беларусі ў 2017 годзе (Табліца, абнаўляецца)
@bajmedia
Мінінфармацыі ўнесла ў «экстрэмісцкі спіс» Telegram-бот і старонку «ВКонтакте» праекта «Народный Репортер»
19.08.2024
Былога палітвязня і журналіста Сяргея Гардзіевіча арыштавалі на 15 сутак
29.01.2024
Экспертка ААН: кейс Рамана Пратасевіча — гэта абуральны прыклад гвалтоўнага выкрадання
23.05.2024
«Флагшток» зняў дакументальны фільм пра рэпрэсіі 30‑х гадоў у Беларусі
25.09.2024
