Аляксандр Баразенка аб’явіў галадоўку. Напішы ліст журналісту ў турму!
28 сакавіка 2017
Асуджаны ўчора на 15 сутак журналіст тэлеканала “Белсат” Аляксандр Баразенка аб’явіў галадоўку ў знак пратэсту з незаконным пераследам. Увесь час арышту Баразенка мае намер адмаўляцца ад ежы.
Зняволеннем Баразенку пакарала суддзя Маскоўскага раённага суда Мінска Таццяна Мотыль, неаднаразова заўважаная ў палітычных рэпрэсіях. Арышт Баразенка і іншыя асуджаныя журналісты будзе адбываць у сталічным Цэнтры ізаляцыі правапарушальнікаў.
Таксама на Акрэсціна адбываюць арышт журналісты Марына Кастылянчанка (15 сутак), Сяргей Кійко (12 сутак), Раман Пратасевіч (10 сутак) і Дзяніс Івашын (5 сутак). Заклікаем дасылаць ім лісты і тэлеграмы ў знак падтрымкі.
Давайце падтрымаем калег!
Лісты і тэлеграмы асуджаным можна слаць на адрас: 220089, г. Мінск, 1‑шы завулак Акрэсціна, 36, Цэнтр ізаляцыі правапарушальнікаў.
Тэлеграму можна адправіць са стацыянарнага тэлефона праз кароткі нумар 166.
Таксама ў Віцебску пад арышт патрапілі сябры ГА “Беларуская асацыяцыя журналістаў” Леанід Свецік (15 сутак), Канстанцін Мардзвінцаў (15 сутак) і Арцём Сізінцаў (10 сутак). Дасылаць лісты і тэлеграмы можна на адрас: 210038, г. Віцебск, Маскоўскі пр‑т, 59А, Ізалятар часовага ўтрымання.
@bajmedia
Журналістцы «Белсату» прыпынілі разгляд дакументаў на працягненне ВНЖ Літвы
01.12.2023
«Рэжым старанна знішчае «чацвёртую ўладу» – бо першыя тры ён ужо падпарадкаваў сабе»: Святлана Ціханоўская – да дня свабоды прэсы
03.05.2024
Представитель Агентства международного развития США: Наша задача — помочь независимым СМИ, которые говорят правду
08.12.2023
«Нагадваць пра беларускіх журналістаў за кратамі і наогул пра ўсіх нашых палітвязняў». Відэа Акцыі салідарнасці
08.05.2024
