«Новы Час» узнагародзіць лаўрэатаў конкурсу маладых журналістаў імя Аляксея Караля (29 мая)

Уручэнне ўзнагародаў адбудзецца ў панядзелак, 29 мая, а 18:00 па адрасе: Мінск, вул. Магілёўская, 2/2, ГЦ «Мост», 4 паверх, культурная прастора “Тартак”. Уваход вольны.

Конкурс маладых журналістаў імя Аляксея Караля быў заснаваны на знак павагі і пашаны да галоўнага рэдактара газеты “Новы Час”. Аляксей Кароль заўсёды з імпэтам падтрымліваў маладых журналістаў, верыў у таленты і здольнасці людзей, якія прыходзілі супрацоўнічаць з рэдакцыяй «Згоды», а пазней — «Новага Часу».

 Конкурсныя працы маладых аўтараў ацэньваліся ў трох намінацыях:

• найлепшы грамадска-палітычны матэрыял
• найлепшы сацыяльна-эканамічны матэрыял
• найлепшы культурна-гістарычны матэрыял

Усе матэрыялы, якія прайшлі папярэдні адбор у рэдакцыі «Новага Часу», былі размешчаныя ў адмысловым раздзеле конкурсу на сайце выдання, а некаторыя з іх былі надрукаваныя ў газеце «Новы Час».

Трох лаўрэатаў конкурсу імя Аляксея Караля назаве рэдакцыя «Новага Часу». Яшчэ трох пераможцаў вызначаць чытачы «Новага часу» шляхам галасавання на сайце.

Справядлівы Кароль

Ад сённяшняга дня «Новы Час» — у кіёсках Мінска і Мінскай вобласці!