23 верасня — «Кубак Свабоды» імя Генадзя Карпенкі

Калі вы збіраецеся на турнір, трэба звязацца з прэс-сакратаром партыі АГП Ганнай Красулінай, тэл.: +375 29 339 33 89. Спадарыня Ганна паведаміць пра месца правядзення.

Нагадаем, меркавалася, што турнір адбудзецца 2 верасня, але па тэхнічных прычынах дата правядзення была перанесеная.

29 жніўня ў сталічным офісе партыі «АГП» адбылося пасяджэнне аргкамітэта футбольнага турніру «Кубак Свабоды» імя Генадзя Карпенкі.

Аргкамітэт абвясціў, што

Удзел у «Кубку Свабоды» возьмуць 8 каманд. 

Адбылося лёсаванне турніру. Каманды размеркаваліся па дзвюх групах наступным чынам: 

Група А:
1. АГП
2. Партыя «Зялёныя»
3. БАЖ
4. БНФ

Група В:
1. БХД
2. «Беларускі Рух»
3. Рух «За Свабоду!
4. БСДП (Грамада)

Запрашаем заўзятараў падтрымаць свае каманды!

Летась пераможцам стала каманда ГА «Беларуская асацыяцыя журналістаў», якая ў фінале сустракалася з камандай Аб’яднанай грамадзянскай партыі. Асноўны час матчу завяршыўся безгалявой нічыёй, а ў серыі пенальці больш удачлівымі аказаліся гульцы БАЖа — 2: 1. Трэцяе месца было ў каманды Беларускага Руху, якая ў матчы за бронзу ўпэўнена перамагла каманду Партыі БНФ — 4: 0.

Турнір дэмакратычнай супольнасці «Кубак Свабоды» праводзіцца з 1997 года. Да гэтага спаборніцтвы былі прымеркаваныя да прыняцця Дэкларацыі аб суверэнітэце Рэспублікі Беларусь, і ў іх актыўна ўдзельнічаў сам Генадзь Карпенка. Пасля смерці вядомага палітыка турнір назвалі яго імем.