Лаўроў заявіў, што абмяркоўваў з Макеем працу расійскіх СМІ ў Беларусі
14 кастрычніка 2021
Пра гэта міністр замежных спраў Расіі заявіў падчас візіту ў Мінск, дзе ён бярэ ўдзел у працы Савета міністраў замежных спраў СНД.
«Пытанне гэта абмяркоўвалася. Я размаўляў з міністрам замежных спраў Беларусі Уладзімірам Макеем. У нас ёсць агульнае разуменне неабходнасці зрабіць усё, каб расійскія СМІ ў Беларусі і беларускія СМІ ў Расіі працавалі ў максімальна камфортных умовах. У нас ёсць некаторыя ідэі, якія мы будзем рэалізоўваць у найбліжэйшы час», — цытуе Сяргея Лаўрова ТАСС.
Сайт «КП у Беларусі» быў заблакаваны 29 верасня пасля артыкула Генадзя Мажэйкі з каментаром аднакласніцы Андрэя Зельцэра. 1 кастрычніка журналіст быў затрыманы. Яго абвінавачваюць па двух артыкулах Крымінальнага кодэкса.
«Комсомольская правда» 5 кастрычніка паведаміла пра закрыццё прадстаўніцтва ў Мінску. У афіцыйным паведамленні рэдкалегіі выдання адзначалася, што ўсім супрацоўнікам закрытага прадстаўніцтва будуць выплачаныя кампенсацыі або прапанавана праца ў іншых офісах.
@bajmedia
Аператара АНТ арыштавалі за палітыку. Прычынай маглі стаць каментары ў тэлеграме, якія ён даўно выдаліў
20.05.2024
Марыне Золатавай прысудзілі міжнародную прэмію Ёхана-Філіпа Палма
10.05.2024
«Магчымасць казаць свету пра Беларусь». БАЖ бярэ ўдзел у з’ездзе Еўрапейскай федэрацыі журналістаў
23.05.2024
Папаўненне «экстрэмісцкага спісу» Мінінфарма: старонкі Асацыяцыі палітвязняў Беларусі, YouTube-канал «Беларусь за МКАДом»
22.07.2024
