TikTok-акаўнт БАЖ прызналі «экстрэмісцкім». Чарговае папаўненне на сайце Мінінфарма

Рашэнне пра тое, каб прызнаць старонку baj.media ў сацыяльнай сетцы Tik­Tok «экстрэмісцкай інфармацыйнай прадукцыяй», прыняў 18 сакавіка суд Маскоўскага раёна Мінска. Увогуле гэты суд разышоўся і за дзень напрызнаваў «экстрэмісцкімі» больш за 100 акаўнтаў у  розных сацыяльных сетках і месенджарах.

Сярод пераліку разнастайных інтэрнэт-рэсурсаў — акаўнты у Tik­Tok  вядомых блогераў і медыя:
‑katyapytl­e­va (Главное с Катей Пытлевой) з ідэнтыфікатарам www.tiktok.com/@katyapytleva?lang=ru-RU);

- belarus­novosti (Беларусь Новости), з ідэнтыфікатарам www.tiktok.com/@belarusnovosti?lang=ru-RU;
— nar­o­d­nyre­porter (NARODNYREPORTER) з ідэнтыфікатарам www.tiktok.com/@narodnyreporter?lang=ru-RU;
— knyrovich.business (Александр Кнырович), з ідэнтыфікатарам www.tiktok.com/@knyrovich.business?lang=ru-RU. Экстрэмісцкім прызнаны і YouTube-канал блогера з назвай «КНЫРОВИЧ» (@knyrovich).

У экстрэмісцкі спіс трапілі старонкі ў Insta­gram:

- naviny_by (Naviny – Новости Беларуси) з ідэнтыфікатарам  www.instagram.com/naviny_by/

- pen_belarus (Беларускi ПЭН) з  ідэнтыфікатарам www.instagram.com/pen_belarus .

19 сакавіка суд Цэнтральнага раёна Мінска прызнаў экстрэмісцкім змест акаўнта ў Tik-Tok з назвай «Prasvi­et ПраСвет» і ідэнтыфікатарам @prasviet.

Раней, 4 сакавіка, суд Мёрскага раёна Віцебскай вобласці прызнаў «экстрэмісцкім» кантэнт тэлеграм-канала палітычный аглядальніцы, блогеркі Розы Турарбекавай пад назвай «РМ» і ідэнтыфікатарам t.me/rmt7007.