Дакументальную стужку «Белсата» пра боль эмігрантаў намінавалі на польскі кінафестываль

Дакументальны фільм «Развітанне» рэжысёра Якуба Станкевіча трапіў на Замойскі кінафестываль «Сустрэчы з гісторыяй». Ён пазмагаецца за ўзнагароды ў дзвюх намінацыях — «Найлепшы фільм» і «Найлепшыя здымкі».

Фота: Skit­ter­pho­to / pexels.com

Фестываль адбудзецца 22–24 жніўня ў польскім горадзе Замасць.

Кінафестываль у польскім Замосці «Сустрэчы з гісторыяй» — сумесная ініцыятыва TVP His­to­ria і Цэнтра кінакультуры Sty­lowy ў Замосці. Фестываль прысвечаны гістарычнай тэматыцы і праводзіцца з 2013 года. Важнейшы яго складнік — конкурс дакументальных фільмаў і рэпартажаў на гістарычную тэматыку.

Дакументальная драма «Развітанне» вытворчасці «Белсат» выйшла ў 2023 годзе. Гэта тыповая беларуская гісторыя цяперашняга часу — гісторыя вымушаных эмігрантаў. Ці можна жыць далей з такім вострым болем? Ці можна сапраўды расстацца з тым, што любіш больш за ўсё на свеце?

Паглядзець фільм можна тут.