Шэлтару для беларускіх уцекачоў у Італіі патрэбна фінансавая падтрымка

Асацыяцыя «Талака» у Італіі атрымала ключы ад дому, дзе будзе створаны шэлтар для беларускіх уцекачоў. Але пакуль гэты дом пусты, і каб ён стаў сапраўднай бяспечнай прасторай, патрэбная фінансавая падтрымка.

Ключы ад шэлтара для беларускіх уцекачоў. Фота: Юлія Юхно

Асацыяцыя «Талака» просіць дапамагчы ў абсталяванні будучага шэлтару.

«Мы мусім паскорыцца і як мага хутчэй абсталяваць шэлтар — палітычных зняволеных час ад часу дэпартуюць з Беларусі. Мы мусім быць падрыхтаваныя для любога раскладу», — адзначаюць удзельнікі асацыяцыі.

Падрабязнасці і спасылка на збор

Што яшчэ можна зрабіць:

• расказаць пра збор у сацсетках (калі вы не ў Беларусі);
• дапамагчы з лагістыкай: перавозка і падвоз рэчаў, мэблі;
• дапамагчы побытавымі рэчамі, мэбляй.