Беларуская фотаагенцыя LookByMedia запусціла свой сайт

Беларускае незалежнае фотаагенцтва Look­By­Media прапануе архіўныя і актуальныя фота Беларусі. Да гэтага часу заснавальнікі працавалі выключна ў аднайменным Telegram-канале. З 2 кастрычніка фотаздымкі можна замаўляць на адмысловым сайце.

Скрыншот сайта Look­By­Media

На сайце Look­By­Media:
— свежыя і архіўныя фотаздымкі пра Беларусь;
— пошук па ключавых словах на беларускай, рускай і англійскай;
— для ўсіх карыстальнікаў адкрытыя міні-прэв’ю.

Поўны доступ да фота ў вэб-разрозненні (2000 px з лога Look­By­Media) — бясплатна пасля падпісання дамовы з рэдакцыяй і рэгістрацыі на сайце.

Архіў штодня папаўняецца і ўжо пераўзыходзіць па колькасці здымкаў Telegram-канал Look­By­Media. Аднак на ім будуць анансавацца ўсе новыя абнаўленні.

Пытанні доступу і рэгістрацыі: lookbypictures@gmail.com