Суд аднавіў на працы супрацоўнікаў «Голасу Амерыкі»
18 сакавіка 2026
Таксама суд абавязаў медыя аднавіць вяшчанне ў поўным аб’ёме.
Прэзідэнт ЗША Рональд Рэйган у студыі. Фота з архіву «Голасу Амерыкі»
Суддзя Федэральнага акруговага суда акругі Калумбія Ройс Ламберт аднавіў на працы больш за 1000 штатных супрацоўнікаў «Голасу Амерыкі». Яны павінны вярнуцца да працы да 23 сакавіка. Пра гэта паведамляе The Times.
Рашэнне суддзі не распаўсюджваецца на пазаштатных работнікаў (кантрактнікаў).
Суд прызнаў незаконнымі дзеянні Кэры Лэйк (кіраўніцы Агенцтва ЗША з глабальных медыя — USAGM), якая на працягу года спрабавала дэмантаваць структуру вяшчальніка. Суддзя абавязаў USAGM распрацаваць і прадставіць план поўнага аднаўлення міжнароднага вяшчання, якое было фактычна спыненае на год.
Як піша The Washington Post, дырэктар «Голасу Амерыкі» Майкл Абрамовіц пракаментаваў рашэнне: «“Голас Амерыкі” ніколі не быў настолькі патрэбным, як цяпер».
Зараз невядома, ці будзе адміністрацыя Трампа абскарджваць гэта рашэнне.
@bajmedia
YouTube блакуе для ўкраінцаў канал расійскай журналісткі Латынінай
29.07.2025
Адміністрацыя Трампа выставіла на продаж будынак штаб-кватэры «Голасу Амерыкі»
20.05.2025
У Польшчы намераны канчаткова разабрацца з грамадскімі СМІ, каб яны сталі незалежнымі ад палітыкаў
04.11.2025
Кватэра журналісткі Hromadske пашкоджана падчас начнога абстрэлу Кіева. Яна і яе муж параненыя
31.07.2025
