• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Адбыўся допыт Каравянковай у прысутнасці яе адваката

    Сёння адбыўся допыт у Следчым камітэце журналісткі БелаПАН Таццяны Каравянковай.

    Допыт Каравянковай адбываўся ў прысутнасці яе адваката.

    Нагадаем, што заўтра ў 11.10 сканчваецца тэрмін яе затрымання. І на заўтра ж прызначана наступнае следчае дзеянне, але час не агучаны.

    Таццяна Каравянкова атрымала перадачу ў ізалятар і дзякуе ўсім, хто ёй дапамагае. Яна адчувае ў цэлым сябе нармальна — настрой бадзёры. Праўда, скардзілася на падвышаны ціск.

    Усе гэтыя дні Таццяна знаходзілася ў ізалятары на Акрэсціна. Аднак ні з кім з фігурантаў «справы БелТА» не перасякалася.

    Нагадаем, Таццяну Каравянкову затрымалі 7 жніўня. У першы ж дзень яе дапытвалі ў Следчым камітэце. Допыт адбываўся ў прысутнасці дзяжурнага адваката. Адваката, з якім журналістка мела дамову, тады не пусцілі да яе. Таццяна адмовілася даваць паказанні.

    У мінскай кватэры Таццяны Каравянковай і ў доме яе мамы ў Гродненскай вобласці былі ператрусы, забралі тэхніку.

    Таццяна Каравянкова, як і іншыя журналісты, затрыманая на 72 гадзіны.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці