• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Адказ на запыт аб пазітыўным кантэнце. Журналісты — пра праект «Беларусы могуць»

    Адзін з самых пазнавальных беларускіх журналістаў Руслан Кулевіч, які пасля 2020 года пераехаў з Гродна ў Беласток, працягвае са сваёй камандай ствараць і рэалізоўваць новыя праекты. Апошняя ідэя — YouTube-канал пра паспяховы бізнес беларусаў за мяжой.

    — Ужо тры гады мы расказваем сумныя і трагічныя гісторыі пра рэпрэсіі і палітвязняў, — расказаў Руслан Кулевіч Беларускай асацыяцыі журналістаў. — Так, гэта трэба працягваць, але ў той жа час ёсць запыт і на іншыя тэмы. На адной з сустрэч чытачы адзначылі, што не хапае пазітыўнага кантэнту.

    Адказам з боку рэпарцёра, заснавальніка анлайн-выдання MOST, і яго каманды стаў праект «Беларусы могуць». Гэта добры прыклад аптымізму, нязломнасці і прагі да стварэння лепшага з боку беларусаў, якія змаглі пачаць свой бізнес у эміграцыі.

    — Насамрэч першы выпуск быў зняты яшчэ ў 2022 годзе, — працягвае Руслан Кулевіч. — Але здарылася вайна ва Украіне, і мы паставілі праект на паўзу. Менш чым праз год вярнуліся да рэалізацыі ідэі.

    На канале выйшла ўжо чатыры відэа. Першае было прысвечанае беларусу, які робіць бадай адны з лепшых бургераў у Беластоку.

    У другім аўтары канала расказалі пра аўтасэрвіс, што вырас з гаража. У фокусе трэцяга роліка — піцэрыя. Чацвёрты распавядае пра беларуса, які зрабіў бізнес на кава-байку.

    — З аднаго боку мы расказваем пра паспяховы прыклад беларусаў насуперак таму, што сцвярджае прапаганда, — падкрэслівае журналіст. — З іншага — дапамагаем бізнесу. Пасля нашых ролікаў беларусы мэтанакіравана ідуць да суайчыннікаў за той жа кавай ці бургерам.

    Як кажа рэпарцёр, асноўная аўдыторыя канала — гэта беларусы, якія выехалі ў Польшчу, Літву.

    Аднак цікавасць да ролікаў ёсць таксама з боку ўкраінцаў, якія знаходзяцца ў Польшчы і думаюць аб сваёй справе.

    — Нам цікава знаходзіць людзей, якія пачалі бізнес і самі хацелі б у будучым адкрыць нешта такое, каб навучыцца зарабляць грошы, — не хавае Руслан Кулевіч. — Калі ў некага ёсць такая натхняльная гісторыя, то хай звяртаюцца ў рэдакцыю MOST, мы будзем толькі радыя расказаць.

    У планах каманды манетызаваць праект. Рэпарцёры разлічваюць, што змогуць рабіць рэкламныя відэа, не выходзячы за межы абранай тэмы.

    — Між іншым наступны ролік будзе вельмі нечаканым, — анансуе відэа журналіст. — Мы знайшлі беларусаў, што выпускаюць у Польшчы відэа для дарослых. Яны адкрыта расказалі пра гэтую інтымную тэму. Мяркую, будзе пэўная цікавасць з боку падпісчыкаў.

    Чытайце яшчэ:

    Як не даць сябе зламаць? Івулін — пра гатовых і не гатовых да зоны, віну перад іншымі вязнямі і карму лукашыстаў

    «Моя новая миссия — записывать истории беларусов, которые уехали». Руслан Кулевич запускает свой видеопроект

    Класкоўскі: Сістэма імкнецца запалохаць грамадства, каб ніхто не мог узняць галаву, каб не было альтэрнатыўнай думкі

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці