Справаздачна-выбарчы сход адбыўся ў Глыбокім
23 сакавіка 2018
22 сакавіка Глыбоцкая суполка ГА “БАЖ” правяла справаздачна-выбарчы сход. На пачатку заслухалі справаздачу кіраўніцы суполкі Таццяны Смоткінай, адзначылі асноўныя накірункі мінулагодняй працы, пагаварылі пра ціск на журналістаў суполкі, а таксама салідарнасць з імі з боку калег і чытачоў. Дзейнасць суполкі глыбоцкія бажаўцы ацанілі як задавальняючую.
Узгадалі і абмеркавалі запланаваныя на гэты год мерапрыемствы, засяродзілі сваю ўвагу на больш важных. Лідар суполкі Таццяна Смоткіна звярнула ўвагу прысутных на імпрэзы, якія будуць ладзіцца супольна з іншымі філіямі арганізацыі.
Пасля абмеркавання надзённых справаў перайшлі да абрання кіраўніка, намесніка суполкі і дэлегата на Х з’езд ГА “БАЖ”, які мае адбыцца 20 красавіка.
Кіраўніком суполкі пераабралі Таццяну Смоткіну, намеснікам — Іллю Дзянісава (Галляша Сяляву). Дэлегатам на з’езд адзінагалосна была абраная Таццяна Смоткіна.
На з’ездзе дэлегаты зацвердзяць стратэгію развіцця, абяруць кіраўніцтва ГА “Беларуская арганізацыя журналістаў”, Камісію па этыцы і іншыя структурныя органы аб’яднання.
@bajmedia
«Экстрэмісцкім фармаваннем» беларускія ўлады прызналі ўкраінскі медыяпраект «Фабрика новин»
08.07.2026
Арыштаванае лецішча журналіста Уладзіміра Хільмановіча ўлады ўсё-такі прадалі. Але на кампенсацыю штрафа не хопіць
24.06.2026
Пайшоў з жыцця Аляксандр Мілінкевіч. Беларускі палітык быў сябрам БАЖ
11.08.2026
Улады другі раз выставілі кватэру Уладзіміра Хільмановіча на аўкцыён. А ягонае лецішча — пяты
19.06.2026
