• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Мінску праходзіць з’езд Беларускай асацыяцыі журналістаў

    Форум журналісцкай арганізацыі праходзіць раз на тры гады і збірае дэлегатаў з усёй краіны. Удзел у сёлетнім з’ездзе возьмуць 80 прадстаўнікоў журналісцкай супольнасці, абраных на журналісцкіх сходах у рэдакцыях і філіях.

    https://baj.media/sites/default/files/event/preview/20150424_-_9_zezd_baj-11_0.jpg

    У парадку дня: справаздача кіруючых органаў, выбар новага кіраўніцтва арганізацыі, разгляд паправак у Кодэкс журналісцкай этыкі, прапанаваных Камісіяй па этыцы.

    Падчас з’езду будзе абмеркавана бягучая сітуацыя ў сферы медыя, а таксама плануемыя змены ў заканадаўства аб СМІ, якія скіраваныя на павялічэнне дзяржаўнага кантролю ў інтэрнэт-прасторы.

    Кіраўніцтва БАЖ адзначае, што сітуацыя са свабодай слова за апошнія тры гады ў Беларусі не зведала зменаў у бок дэмакратызацыі. Больш за тое, з 2017 года павялічыўся ціск уладаў на незалежную журналістыку, асабліва на журналістаў-фрылансераў, якія ў Беларусі па-ранейшаму застаюцца па-за законам.

    На фоне гэтага цягам апошніх трох год Беларуская асацыяцыя журналістаў правяла вялікую працу па абароне і падтрымцы журналістаў, адукацыі, умацаванні арганізацыйнага патэнцыялу.

    Нагадаем, што Беларуская асацыяцыя журналістаў з’яўляецца адной з двух буйнейшых журналісцкіх арганізацый краіны. З 1995 года аб’яднанне актыўна займаецца адстойваннем права на свабоду выказвання ў Беларусі.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці