Акцэнты

Польшча — адна з найбольш папулярных краін для выбару часовага месца жыхарства для тых грамадзян Беларусі, якія вымушаныя былі пакінуць радзіму з прычыны пераследу рэжымам. Са жніўня 2020 года яна прыняла дзясяткі тысяч беларусаў у выгнанні. Улады Польшчы шмат робяць для таго, каб спрасціць для нашых суайчыннікаў умовы легалізацыі і адаптацыі. Але што ведаюць пра беларусаў звычайныя палякі, ці змянілася стаўленне пасля пачатку вайны Расіі супраць Украіны, якую падтрымлівае рэжым Лукашэнкі, і як увогуле выглядае Беларусь у польскіх медыя? Пра гэта пагаварылі з журналістам партала Goniec.pl Каралем Гусеніцам.

Аляксандр Івулін прайграў заклад пісьменніку Сашу Філіпенку і вымушаны быў выканаць заданне — пазваніць прапагандысту Андрэю Мукавозчыку, расказаць пра тое, што думае вярнуцца ў Беларусь, і спытацца пра працу, піша «Наша Ніва».

Пра рынак працы ў рэлакацыі пагаварылі з дырэктаркай «Нашай Нівы» Настай Роўда, рэдактарам «Белсата» Ігарам Кулеем, галоўрэдам выдання MOST Русланам Кулевічам. Яны распавялі, як і хто можа разлічваць на супрацу з іх рэдакцыямі. Парады спікераў БАЖ, без сумневу, будуць карыснымі і пры пошуку працы ў іншых недзяржаўных медыя.

У Вільні 27 чэрвеня адбылася прэзентацыя першага дакументальнага фільма опернай спявачкі Маргарыты Ляўчук. Ён прысвечаны псіхалагічнай траўме беларусаў, трыгерам якой з’яўляецца спалучэнне чырвонага і зялёнага колераў. Дарэчы, і ў сваёй магістарскай працы спявачка даследавала менавіта гэтую тэму, піша «Беларускае Радыё Рацыя». 

  Перапоўненыя палітвязьнямі камэры, катаваньні, этапы, штрафныя ізалятары. Гэта ня сталінскія 1930-я. Гэта Беларусь 2020-х. Пра свой дзевяцімесячны турэмны досьвед востра, дасьціпна, з надзеяй на дэмакратычную будучыню краіны апавядае журналіст Свабоды Алег Грузьдзіловіч у кнізе «Мае турэмныя муры», якая выходзіць у сэрыі «Бібліятэка Свабоды. XXI стагодзьдзе». У кнізе выкарыстаныя малюнкі аўтара. Свабода працягвае публікаваць фрагмэнты кнігі.