Акцэнты

Аляксандра Лукашэнку недзяржаўныя медыя не называюць прэзідэнтам. Часцей абмяжоўваюцца адным прозвішчам — нават без імя. Хтосьці захоўвае інфарматыўны тон для такіх паведамлянняў, а хтосьці дазваляе жартаваць з яго або абвінавачваць у хлусні. Пасля дыскусіі калег на мінулым тыдні, журналіст сайта БАЖ прааналізаваў, у якіх сітуацыях шэраг беларускіх медыя згадвае яго прозвішча: «Зеркало», «Наша Ніва», «Белсат», «Радыё Свабода», «Еўрарадыё». А таксама паразмаўляў з медыяэкспертам пра тое, чаму наогул узнікае пытанне, як яго называць у інфапрасторы.   

29 кастрычніка, у 86-ю гадавіну расстрэлу ў Мінску 132 прадстаўнікоў беларускай інтэлігенцыі, сярод якіх былі дзясяткі паэтаў і пісьменнікаў, у многіх краінах, дзе ёсць беларускія дыяспары, прайшлі традыцыйныя мерапрыемствы пад агульнай назвай «Ноч расстраляных паэтаў». Калегі з «Нашай Нівы» сабралі фота– і відэаматэрыялы толькі пра некаторыя з іх.

Да гадавіны «Ночы расстраляных паэтаў» «Новы Час» расказвае пра некаторых з тых, чые вершы ўжо больш за 80 гадоў шапочуць хвоі ў курапацкім лесе.

Беларускі рэжысёр Андрэй Саўчанка ўжо ў другі раз звяртаецца ў сваёй тэатральнай практыцы да тэмы расстраляных паэтаў — першая спроба адбылася ў 2022 годзе ў супрацоўніцтве с Незалежнымі Купалаўцамі пад назвай «37–22», што адсылае да відавочнай паралелі паміж падзеямі двух стагоддзяў. На тэатральным фестывалі «Kierunek Wschód» у Беластоку адбылася прэм’ера спектакля «Святло ў цемры». Як узнікла ідэя гэтага спектакля? Па якім прынцыпе абіралі тэксты? У чым была рызыка ў працы? Якія недапрацоўкі ёсць у спектаклі? І чаму ўрэшце зноў гэтая тэма? Budzma паразмаўляла пра гэта з рэжысёрам Андрэем Саўчанкам.

У каментах пад допісамі пасецца эліта БРСМ і раённых ідэолагаў, піша «Наша Ніва».

Гродзенскі акцёр і рэжысёр Васіль Калач, які пасле падзей 2020 года быў вымушаны перабрацца ў Беласток, распавёў «Радыё Рацыя» пра тое, як ладзіць тэатр у эміграцыі і развіваць за межамі краіны нацыянальную культуру.