Акцэнты

Два гады таму, 2 снежня 2021 года, пайшоў з жыцця вядомы беларускі журналіст Генадзь Кеснер. Яму было 50 гадоў, але каранавірусная інфекцыя на фоне лячэння ад анкалагічнага захворвання не пакінула Генадзю шанцаў. Сёння БАЖ прапануе ўспомніць нашага сябра і калегу, бо сапраўдных людзей трэба памятаць заўжды.

Сітуацыя з журналісткай «Белсату», у якой узніклі складанасці з атрыманнем ВНЖ у Літве, зноў нагадала пра актуальнасць праблемы легалізацыі па-за межамі Беларусі. БАЖ публікуе меркаванне яшчэ адной каляжанкі, якая асабіста сутыкнулася з бюракратычнымі цяжкасцямі, вымушана была афармляць тлумачальную, а цяпер дзеліцца уласным досведам. Гэты тэкст актуальны не толькі супрацоўнікам медыяў, але і ўсім простым беларусам, паколькі журналісты ў выгнанні атрымліваюць візы і дазвол на жыхарства на агульных умовах, як інжынеры, кіроўцы, настаўнікі.

У заключнай частцы дзённікаў журналістка спрабуе адказаць на пытанне «дзеля чаго ўсё гэта было?»

29 лістапада Ірыне Леўшынай спаўняецца 58 гадоў. Зараз журналістка адбывае прысуд у гомельскай жаночай калоніі № 4.

Адзін з галоўных і найбольш адыёзных рупараў прапаганды ўладаў — супрацоўнік выдавецкага дома «Беларусь сегодня» Андрэй Мукавозчык. Некаторыя з вас могуць памятаць яго па працы на беларускім тэлебачанні ў дзевяностыя і нулявыя, але менавіта падзеі 2020 года і іх наступствы зрабілі прапагандыста вядомым многім беларусам (і нават дазволілі вярнуцца на тэлебачанне — хай і ў новай ролі). «Зеркало» расказвае, як гэты няўдалы навуковец прыйшоў у КВН, дзе прайграў барацьбу Аляксандру Маслякову і, застаўшыся ні з чым, перайшоў да абразаў і фізічных пагроз усім нязгодным з палітыкай уладаў.