• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Гэта частка мяне, гэта праўда». Журналістка «Трыбуны» Сабіна Аліева — пра камінг-аўт

    Журналістка «Трыбуны» Сабіна Аліева здзейсніла камінг-аўт у эфіры свайго падкасту. Яна прызналася, што раней сустракалася з баскетбалiсткай Кацярынай Сныцiнай. Сабіна распавяла на сваёй старонцы ў Istagram і ў інтэрв’ю журналістам, што яна адчувала ў гэты момант і як вырашыла зрабіць такі крок.

    «Не баяцца быць сабой»

    Сабіна Аліева вядзе англамоўны падкаст Sab’s Cor­ner. У новы выпуск яна запрасіла баскетбалістку Кацярыну Сныціну. Камінг-аўт адбыўся падчас эфіру.

    Сабіна спытала ў Каці: «Ты не супраць, калі я раскажу, што мы сустракаліся?» Сныцiна пагадзілася і ўдакладніла, ці гэта афіцыйны камінг-аўт Сабіны. Дзяўчына адказала «так» і дадала: «Каця стала першай, хто прымусiў мяне задумацца, што мне падабаюцца не толькi хлопцы». 

    Пасля Сабіна напісала пост у сваім Ista­gram, дзе падзялілася адчуваннямі:

    «Думала, буду неяк нерваваць, але эмоцый было куды больш падчас запісу падкасту з @snytsina. Ужо магу публічна сказаць табе дзякуй за гэты перыяд. Мае першыя адносіны паставілі вельмі высокую планку ў першую чаргу для мяне самой. Гэтыя адносіны навучылі мяне, як па-сапраўднаму любіць і падтрымліваць не толькі іншых, але і сябе, а таксама не баяцца быць сабой».

    «Можа, хаця б адзін чалавек адчуе падтрымку»

    Аб тым, як прыйшло рашэнне аб камінг-аўце, Сабіна Аліева распавяла ў інтэрв’ю «Нашай Ніве»:

    «Насамрэч я нават да дня запісу падкаста з Кацяй [Сныцінай] не ведала дакладна, ці буду рабіць камінг-аўт. Але пасля гэтага я павінна была выступаць на мерапрыемстве ў ЕГУ — а там планавалася размова пра тое, чаму беларусы сябе адчуваюць еўрапейцамі. І я перад гэтым сядзела і думала: «А чаму я сябе адчуваю еўрапейкай?» 

    Паводле Сабіны, галоўнае, што дазваляе ёй сябе так адчуваць — гэта тое, што яна, нягледзячы на жыццёвыя цяжкасці, імкнецца захоўваць свае каштоўнасці.

    «Перад запісам падкаста я думала: «Ну вось скажу я, што мне падабаюцца і мужчыны, і жанчыны. І што? Што будзе? Гэта частка мяне, гэта праўда». Мой падкаст — гэта прастора, дзе я хачу адчуваць сябе бяспечна і хачу, каб людзі, якія мяне слухаюць, таксама сябе адчувалі ў бяспецы і разумелі, што я з імі шчырая. Таму я вырашыла, што калі не зраблю камінг-аўту ў падкасце з Кацяй, то гэта будзе незавершаны малюнак усяго таго, пра што мы размаўлялі».

    Сабіна кажа, што рэакцыі на публічнае прызнанне былі вельмі станоўчыя. Самы негатыўны каментар быў ад хлопца, які пашкадаваў, што зараз у яго будзе больш канкурэнцыі. 

    «Я спадзяюся, што, можа, хаця б адзін чалавек, які зараз праходзіць праз нешта складанае, адчуе падтрымку. Хачу нагадаць, што гэта нармалёва быць сабой у любой сітуацыі», — кажа Сабіна.

    Беларусь — аўтсайдэр па абароне правоў ЛГБТ у Еўропе

    Камінг-аўт журналісткі «Трыбуны» адбыўся на фоне ўзмацнення пераследу ЛГБТ-супольнасці  ў Беларусі. Пасля рэферэндуму 2022 года ў Канстытуцыі заканадаўча замацавалася паняцце шлюбу як саюзу мужчыны і жанчыны. Дзяржаўныя СМІ развярнулі кампанію супраць поглядаў, якія не адпавядаюць «традыцыйным каштоўнасцям». 

    Па ініцыятыве Генпракуратуры ў Беларусі распрацоўваецца закон аб забароне прапаганды ЛГБТ. Прапануецца ўвесці за гэта адміністратыўную адказнасць. 

    Інфармацыйныя каналы, блізкія да сілавых структур Беларусі, вымушаюць затрыманых з палітычных матываў прадстаўнікоў ЛГБТ расказваць на камеру пра сваю арыентацыю ці выкарыстоўваюць гэты факт для іх знявагі.

    Беларусь, па дадзеным праваабарончай групы ILGA-Europe, знаходзіцца на 45 пазіцыі з 49 у рэйтынгу краін Еўропы па абароне правоў ЛГБТ.

    Гэты рэйтынг ацэньвае краіны паводле заканадаўства і адносінаў да ЛГБТ па шкале ад 100% да 0%, дзе 100%— гэта роўныя правы для меншасцяў у грамадстве, а 0% — грубыя парушэнні і дыскрымінацыя. У 2022 годзе Беларусь атрымала 12%. Горш сітуацыя толькі ў Расіі, Турцыі, Арменіі і Азербайджане.

    Чытайце яшчэ:

    «Расчаравалася ў працы міжнародных інстытутаў»: як Сабіна Аліева змяніла юрыспрудэнцыю на журналістыку

    Алег Агееў: Гэта выклік — як бараніць правы іншых, калі беларускія праваабаронцы самі з’яўляюцца ўразлівай групай

    «Журналісты сутыкаюцца з праблемамі, якія ставяць пад пагрозу само існаванне медыяў». Што абмяркоўвалі беларусы ў Сейме Літвы

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці