• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Брэсцкіх журналістаў аштрафавалі за рэпартаж пра “Дажынкі”

    Суддзя Камянецкага райсуда Аксана Скель прызнала журналістаў-фрылансераў Алеся Ляўчука і Мілану Харытонаву вінаватымі ў “працы на замежны СМІ без акрэдытацыі”, спаслаўшыся на сюжэт тэлеканала “Белсат” пра падрыхтоўку горада Высокае да абласных “Дажынак”.

    Паводле рашэння суда на падставе часткі 2 артыкула 22.9 КаАП Алесь Ляўчук мусіць сплаціць штраф памерам 50 базавых велічынь (1 225 рублёў), а Мілана Харытонава — 40 базавых велічынь (980 рублёў).

    24 кастрычніка Ляўчука і Харытонаву зноў выклікаюць у міліцыю, дзе з вялікай доляй верагоднасці на іх складуць яшчэ чатыры пратаколы (па два — на кожнага).

    Гэтым разам справа датычыць сюжэтаў на “Белсаце”, прысвечаных акцыям пратэсту супраць будаўніцтва пад Брэстам акумулятарнага завода. Акрамя таго, 25 кастрычніка Алеся Ляўчука і Мілану Харытонаву ў чарговы раз будуць судзіць у Жабінкаўскім раёне. На мінулым тыдні суд гэтага раёна аштрафаваў журналістаў агулам на 1 715 рублёў за рэпартаж пра падзёж свінняў у вёсцы Азяты.

    Фота brestcity.com

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці