Асамблея навучыць бараніць сябе

11 снежня ў Менску Выканаўчае бюро Асамблеі НДА ладзіць майстар-клас на тэму “Грамадзянін і правапарадак”. Запрашаем да ўдзелу!

Асноўныя аспэекты, якія плануецца закрануць у межах мерапрыемства:

— Разгляд тых артыкулаў Канстытуцыі РБ і Кодэксу РБ аб адміністратыўных правапарушэннях, якія тычацца грамадзкай дзейнасці;

— Абмеркаванне катэгорый удзельнікаў адміністратыўнага працэсу, іх правоў і абавязкаў: патрабаванні да афармлення дакументаў; абскарджванне і апратэставанне пастаноў па справе аб адміністратыўным правапарушэнні, парадак падачы скаргі;

— Псіхалагічныя аспекты ўзаемадзеяння з супрацоўнікамі праваахоўных органаў;

— Разгляд сістэмы абароны ў адміністратыўным працэсе: магчымасць і паспяховасць адстойвання сваіх правоў; праца са скаргай (што трэба пазначаць у скарзе, куды пісаць скаргу, парады пры напісанне зваротаў, скаргаў і заяваў); некаторыя прыёмы самаабароны ў судовым працэсе (магчымасці ўдзельнікаў адміністратыўнага працэсу ў судзе, як прадуктыўна карыстацца сваімі правамі ў адміністратыўным працэсе).

Да ўдзелу запрашаюцца актывісты і лідэры няўрадавых грамадзкіх арганізацый ды ініцыятыў.

Каб прыняць удзел, неабходна запоўніць анлайн анкету-заяўку. Колькасць месцаў абмежаваная. Адабраным удзельнікам будзе паведамлена месца правядзення праз электронную пошту. Арганізатары кампенсуюць выдаткі на праезд іншагароднім, забяспечаць харчаванне.

Апошні тэрмін падачы заявак: 3 сьнежня 2015 г.

З дадатковымі пытаннямі зьвяртайцеся праз электронны адрас: ngo@belngo.info